গাড়ীত ঘৰলৈ উভতাৰ সময়ত ৰাস্তাৰ মাজতে শেষ হৈছিল পেট্ৰ’ল। ফোন কৰি সেই কথা স্বামীক জনাইছিল মহিলাগৰাকীয়ে। কিন্তু সেইময়তে দুজন বন্দুকধাৰী যুৱকে আক্ৰমণ কৰে মহিলাগৰাকীক। সন্তানৰ সন্মুখতে মহিলাগৰাকীক দলবদ্ধ ধৰ্ষণ কৰে দুয়োটা লম্পটে। আনকি মহিলাগৰাকীৰ পৰা কাঢ়ি লৈ যায় এ টি এম কাৰ্ড সহ পিন্ধি থকা সোণৰ অলংকাৰ। ঘটনাই এতিয়া জোকাৰিছে সমগ্ৰ দেশ।
ভয়ংকৰ ঘটনাটো সংঘটিত হৈছে পাকিস্তানতৰ গুজ্জৰপুৰ এলেকাত। পাকিস্তানৰ সংবাদ সংস্থা Geo News ৰ বাতৰি অনুসৰি, দুৰ্ভগীয়া মহিলাগৰাকীৰ ঘৰ গুজ্জৰপুৰতে। সন্তানক লগত লৈ গাড়ীৰে ঘৰলৈ উভতি গৈ আছিল মহিলাগৰাকী। আৰু সেই সময়তে এই ঘটনাটো সংঘটিত হয়।
মহিলাগৰাকীৰ অভিযোগ- লাহোৰ-শিয়ালকোট হাইৱে’ত শেষ হয় গাড়ীৰ তেল। ফলত স্বামীলৈ অপেক্ষা কৰিবলগীয়া হৈছিল। আৰু তেতিয়াই দুজন বন্দুকধাৰী যুৱকে আক্ৰমণ কৰে মহিলাগৰাকীক। গাড়ীৰ দুৱাৰ ভাঙি মহিলাগৰাকীক বাহিৰলৈ উলিয়াই আনে আৰু সন্তানৰ সন্মুখতে ধৰ্ষণ কৰে।
মহিলাগৰাকীৰ হাতত থকা টকাৰ লগতে এ টি এম কাৰ্ড আৰু পৰিধান কৰি থকা অলংকাৰ কাঢ়ি সেই ঠাইৰ পৰা আঁতৰি যায় মহিলাগৰাকী। ঘটনাই এতিয়া সমগ্ৰ দেশখনতে চাঞ্চল্যৰ সৃষ্টি কৰিছে। মহিলাৰ সুৰক্ষাৰ দাবীত সকলো ওলাই আহিছে ৰাজপথলৈ।
