মঞ্চত গীত গাই থাকোতে হঠাৎ গায়কৰ চুলিত লাগিল জুই, আৰু তাৰ পিছত...Photo

এক সাংস্কৃতিক অনুষ্ঠানত গীত পৰিবেশন কৰি থাকোতেই চুলিত জুই লাগিল এজন গায়কৰ। চুলিত জুই লগাৰ পিছতো গীটাৰ বজাই গীত গাই থাকিল গায়কজনে।

গায়কজনৰ নাম ববী জনছন। নিজৰ বেণ্ডৰ সৈতে অনুষ্ঠান পৰিবেশন কৰি থোকেতে পিছফালে ফায়াৰ বক্সৰ পৰা ফিৰিঙটি ওলাই গায়কৰ চুলিত লাগে।

জুই লাগিল যদিও প্ৰথম অৱস্থাত গমেই পোৱা নাছিল ববী জনছনে। কিন্তু বেণ্ডৰে অন্য এজনে প্ৰত্যক্ষ কৰি জনছনৰ ওচৰলৈ দৌৰি আহে।

বেণ্ডৰ সহযোগী জনে যেতিয়া চুলিত লগা জুই নিৰ্বাপন কৰিবলৈ চেষ্টা কৰে, তেতিয়াও আনকি গীত পৰিবেশন কৰি থাকে ববী জনছনে।

এই ভিডিঅ’ ছচিয়েল মিডিয়াত ভাইৰেল হৈ পৰে। অনুষ্ঠান শেষ হোৱাৰ পিছতে জনছনে কয় যে, যদিও তেওঁৰ চুলিত জুই লাগিল, তথাপিও গীতৰ মাজত এনেদৰে সোমাই পৰিছিল যে, তেওঁ একো গমেই নাপালে। ঘটনাতো সংঘটিত হৈছে আমেৰিকাত।