Sanath Jayasuriya: মহাসংকটত দেশ! হাজাৰ হাজাৰ মানুহৰ সৈতে ৰাজপথত সনথ সয়সূৰ্য

মহাসংকট বুলিলেও হয়তু কম কোৱা হ’ব। শ্ৰীলংকাৰ অৰ্থনৈতিক পৰিস্থিতি যেন দিনক দিনে আৰু অধিক বেয়া হৈছে। আৰু এনে পৰিস্থিতিত আন সাধাৰণ মানুহৰ লগতে তেওঁ চিন্তিত। দেশ আৰু দেশবাসীৰ স্বাৰ্থত এইবাৰ ৰাজপথত নামিল সনথ জয়সূৰ্য।

শ্ৰীলংকাৰ তাৰকা ক্ৰিকেটাৰ তেওঁ। ইয়াৰ পূৰ্বেও তেওঁক প্ৰতিবাদ কৰা দেখা গৈছিল। জয়সূৰ্যই কৈ আহিছে, তেওঁ মানুহৰ স্বাৰ্থত সকলো কৰিবলৈ প্ৰস্তুত।

শ্ৰীলংকাৰ ৰাষ্ট্ৰপতি ভৱন দখল কৰিছে জনতাই। ৰাষ্ট্ৰপতি গোটাবায়া ৰাজাপাক্ষেই পূৰ্বেই ৰাজভৱন এৰি পলায়ন কৰিছে। আৰক্ষী আৰু সেনাই অনুমান কৰিছিল পৰিস্থিতিৰ অধিক অৱনতি ঘটিব পাৰে। জনা গৈছে, সেনাৰ নিৰাপত্তাত আছে শ্ৰীলংকাৰ ৰাষ্ট্ৰপতি। সাধাৰণ মানুহে তেওঁৰ পদত্যাগ দাবী কৰিছে।

সনথ জয়সূৰ্যক সাধাৰণ জনতাৰ সৈতে দেখা গ’ল ৰাজপথত। প্ৰতিবাদত নামিছে তেওঁ। প্ৰতিবাদী সমদলতো ল’লে অংশ। ৰাজাপাক্ষেৰ বিৰুদ্ধে দিলে শ্লোগান।

জয়সূৰ্যই নিজৰ টুইটাৰ প্ৰফাইলত লিখিছে, আমি সকলো সময়তে দেশৰ মানুহৰ কাষত আছো। অতি সোনকালে জয়ৰ উদযাপন কৰিম। আৰু সেইটোৱে হ’ব অহিংসাৰ পথেৰে।

খাদ্যসামগ্ৰীৰ পৰা ইন্ধনলৈ, একো নাই শ্ৰীলংকাৰ সাধাৰণ মানুহৰ ওচৰত। দেশ চৰম আৰ্থনৈতিক সংকটত। এনে পৰিস্থিতিত শ্ৰীলংকাৰ সাধাৰণ মানুহৰ সৈতে ৰাজপথত নামি প্ৰতিবাদ কৰিছে তাৰকাসকলেও।