Vacuum Bomb in Russia Ukraine War : মুহূৰ্ততে বাষ্পত পৰিণত হ’ব পাৰে মানৱদেহ, কি এই ‘ভেকুৱাম বোমা’? ইউক্ৰেইনত পেলাইছে নেকি ৰাছিয়াই?

ইউক্ৰেইনত ক্লাষ্টাৰ বোমা, ভেকুৱাম বোমাৰ দৰে মাৰাত্মক মাৰণাস্ত্ৰক লৈ আক্ৰমণ চলোৱাৰ অভিযোগ উঠিছে ৰাছিয়াৰ বিৰুদ্ধে (Vacuum Bomb in Russia Ukraine War)। সেৱল ইউক্ৰেইনেই নহয়, মানৱাধিকাৰ দল আৰু ইউক্ৰেইনত থকা আমেৰিকাৰ ৰাষ্ট্ৰদূতেও এই অভিযোগ কৰিছে। এই অস্ত্ৰ আৰু বোমাৰ ব্যৱহাৰৰ তীব্ৰ নিন্দা কৰিছে আন্তৰ্জাতিক মহলে।

কি এই ভেকুৱাম বোমা? কিয় ইমান মাৰাত্মক বোলা হয় এই বোমাক? এই ভেকুৱাম বোমাৰ আন এক নাম হ’ল থাৰ্মোবাৰিক ৱেপন। এই বোমা বিস্ফোৰণৰ পিছতে বতাহত অক্সিজেনৰ পৰিমাণ কমি যায়। লগতে বিস্ফোৰণ হোৱাৰ পিছত আশে–পাশে প্ৰবল তাপমাত্ৰা তৈয়াৰ হয়। ইমানেই নহয়, এই মাৰাত্মক তাপমাত্ৰাৰ প্ৰভাৱ দীৰ্ঘসময়লৈ থাকে।

থাৰ্মোবাৰিক অস্ত্ৰ বা ভেকুৱাম বোমাই আশে–পাশে থকা বতাহৰ পৰা অক্সিজেন টানি আনি উচ্চ ক্ষমতাসম্পন্ন বিস্ফোৰণ ঘটাব পাৰে। এই বোমা দীৰ্ঘ সময় ধৰি বিস্ফোৰণ ঘটাবলৈ সক্ষম হয়। আটাইতকৈ ভয়ংকৰ কথাটো হ’ল, এই বোমাই মানৱ দেহক বাষ্পত পৰিণত কৰি দিব পাৰে।

অৱশ্যে ইউক্ৰেইনত ৰাছিয়াই থাৰ্মোবাৰিক বোমা ব্যৱহাৰ কৰিছে বুলি এতিয়াও চৰকাৰীভাৱে জনোৱা হোৱা নাই। কিন্তু শনিবাৰে বিয়লি ইউক্ৰেইনৰ সীমান্তৰ সমীপত ৰাছিয়াৰ এটা থাৰ্মোবাৰিক মাল্টিবল ৰকেট লঞ্চাৰ দেখা গৈছে বুলি খবৰ ওলাইছে।

বন্ধ স্থানত এই বিস্ফোৰণৰ প্ৰভাৱ অতি ভয়ংকৰ হৈ উঠিব পাৰে। ইগনিচন পইণ্টৰ কোনো লোক থাকিলে শৰীৰত ভয়ংকৰ আঘাত হানিব পাৰে। মৃত্যু হ’ব পাৰে তেওঁৰ।

এই বোমাৰ বিস্ফোৰণৰ পিছত সাময়িকভাৱে অজ্ঞান আৰু শ্বাসকষ্ট আৰম্ভ হ’ব পাৰে। কাৰণ ইয়াৰ প্ৰভাৱত হাওফাওৰ কোষৰ পৰাও অক্সিজেন ওলাই যাবলৈ আৰম্ভ কৰে। মস্তিষ্কৰ কোষ ক্ষতিগ্ৰস্তহয়। এই বোমা প্ৰথমে আৱিষ্কাৰ কৰিছিল মাৰিঅ’ জেপাৰমায়াৰে।