১০ আগষ্টৰ ভিতৰত ৰাছিয়াৰ কোৰোণা ভাইৰাছৰ ভেকচিনৰ অনুমোদন!

আগন্তুক দুসপ্তাহৰ ভিতৰত বজাৰত কোৰোণাৰ ভেকচিন অনাৰ প্ৰস্তুতি চলাইছে ৰাছিয়াই। বৈজ্ঞানিকসকলৰ এই প্ৰয়াস সফল হ’লে বিশ্বৰ বজাৰত প্ৰথম কোৰোণাৰ ভেকচিন হিচাপে অনুমোদিত হ’ব পাৰে এই ভেকচিনবিধ।

ৰাছিয়ান প্ৰশাসনিক কৰ্মকৰ্তাসকলে আন্তৰ্জাতিক সংবাদমাধ্যমক জনাইছে যে তেওঁলোকে ১০ আগষ্টৰ ভিতৰত ভেকচিন অনুমোদনৰ বাবে তৎপৰতা চলাইছে। মস্কোৰ জেমেলিয়া ইন্সটিটিউটৰ বিজ্ঞানীসকলে দিনে–নিশাই পৰিশ্ৰম কৰিছে ইয়াৰ বাবে।

ৰাছিয়াৰ স্বাস্থ্য সচিব কিৰলি দিমিদ্ৰিভে সংবাদ মাধ্যমৰ সৈতে বাৰ্তালাপত কয় যে ঐতিহাসিক দিনৰ ক্ষণ গণিছে ৰাছিয়াই।

বিশ্বৰ আন দেশৰ গৱেষকসকলে আন আশংকা কৰিছে। তেওঁলোকৰ মতে এইপৰ্যন্ত কোনো বৈজ্ঞানিক তথ্য সন্মুখলৈ অনা নাই ৰাছিয়াই। মাৰ্কিন যুক্তৰাষ্ট্রৰ মডাৰেনা বা অক্সফোৰ্ডৰ ভেকচিনৰ ক্ষেত্ৰত পৰীক্ষণৰ তথ্য সন্মুখলৈ আহিছে।

অৱশ্যে ৰাছিয়াই দাবী কৰিছে, ৰাছিয়ান সেনাই এই ভেকচিন পৰীক্ষণত স্বেচ্ছাসেৱক হিচাপে কাম কৰিছে।