NASAৰ এলাৰ্ট! ৪৮হাজাৰ kmph গতিৰে আজি পৃথিৱীৰ কাষেৰে পাৰ হ’ব ১৭০ মিটাৰ ডাঙৰ উল্কাপিণ্ড

আমেৰিকাৰ মহাকাশ গৱেষণা কেন্দ্ৰ (National Aeronautics and Space Administration- NASA) নাছাই এক এলাৰ্ট জাৰি কৰি কৈছে যে প্ৰায় ১৭০মিটাৰ ডাঙৰ উল্কাপিণ্ড বা এষ্টৰয়ড (Asteroid 2020 ND) শুকুৰবাৰে পৃথিৱীৰ একেবাৰে কাষেৰে পাৰ হ’ব। নাছাই উল্লেখ কৰা মতে পৃথিৱীৰ ইমান কাষেৰে পাৰ হোৱা এষ্টৰয়ডক সাধাৰণতে সম্ভাৱনাপূৰ্ণ বিপদৰ তালিকাত অন্তৰ্ভুক্ত কৰা হয়। এই এষ্টৰয়ডৰ গতি ঘণ্টাত ৪৮হাজাৰ কিলোমিটাৰ। প্ৰতীকী ফটো

ইয়াৰ পূৰ্বে পাঁচ জুনত এটা এষ্টৰয়ড পৃথিৱীৰ ১লাখ ৯০হাজাৰ মাইল দূৰেৰে পাৰ হৈছিল। এষ্টৰয়ড ২০২০ এলডি পৃথিৱী আৰু চন্দ্ৰৰ মাজেৰে পাৰ হৈছিল। ইয়াৰ আকাৰ ৪০০ফীট আছিল। বিজ্ঞানীসকলে ৭জুনলৈকে এই সন্দৰ্ভত জানিব পৰা নাছিল। অৱশ্যে শেহতীয়াকৈ বিজ্ঞানীসকলে প্ৰকাশ কৰা মতে এই এষ্টৰয়ড বৰ বিশেষ ডাঙৰ নাছিল কিন্তু ২০১৩চনত চাইবেৰিয়াত ধ্বংসলীলা চলোৱা চেল্যাবিংস্ক চেটেলাইটতকৈ এইটো ডাঙৰ আছিল। প্ৰতীকী ফটো

নাছাৰ মতে ০.০৫ এষ্ট্ৰনমিকেল ইউনিট বা তাতোকৈ কম দূৰত্বৰে পাৰ হোৱা এষ্টৰয়ড পৃথিৱীৰ সমীপেৰে আহিলে বিপদৰ আশংকা থাকে। এইটো জৰুৰী নহয় যে ইয়াৰ প্ৰভাৱ পৃথিৱীত পৰিব। দ্য প্লেনেটৰী ছচাইটিৰ মতে, তিনি ফুটৰ প্ৰায় ১ আৰৱ এষ্টৰয়ড আছে কিন্তু ইয়াৰ পৰা পৃথিৱীত একো বিপদ নাই। ৯০ফুটৰ ডাঙৰ এষ্টৰয়ডৰ পৰা ডাঙৰ ক্ষতি হোৱাৰ আশংকা থাকে। প্ৰতিবছৰে প্ৰায় ৩০ সৰু সৰু এষ্টৰয়ডে পৃথিৱীত খুন্দা মাৰে কিন্তু পৃথিৱীৰ কোনো ডাঙৰ ক্ষতি নহয়।  প্ৰতীকী ফটো

মহাকাশ বিজ্ঞানীসকলৰ মতে ১৬৪০ ফুট বা তাতোকৈ ডাঙৰ এষ্টৰয়ডে পৃথিৱীত খুন্দা মৰাৰ সম্ভাৱনা এক লাখ ৩০হাজাৰ বৰ্ষত মাত্ৰ এবাৰ হয়। ১৩ এপ্ৰিল, ২০২৯ত এষ্টৰয়ড ৯৯৯৪২ এপ’ফিচ পৃথিৱীৰ একেবাৰে কাষেৰে পাৰ হ’ব। এইটোৱে পৃথিৱীত খুন্দা মাৰিবও পাৰে বা কিছু উপগ্ৰহক ক্ষতিও কৰিব পাৰে। এইটো এষ্টৰয়ডৰ আকাৰ ১১০০ফুটৰ। প্ৰতীকী ফটো

ইয়াৰ বাহিৰে আগন্তুক আনটো এষ্টৰয়ড বেন্নু, এইটো পৃথিৱীৰ কাৰণে বিপজ্জনক হ’ব পাৰে। ইয়াৰ আকাৰ ১৬১০ ফুটৰ। এইটো ২১৭৫ৰ পৰা ২১৯৯ৰ মাজত পৃথিৱীৰ কাষেৰে পাৰ হ’ব। নাছাৰ মতে তেওঁলোকে কাইনেটিক ইম্পেক্টৰ জৰিয়তে এষ্টৰয়ডটো পৃথিৱীৰ কাষলৈ অহাৰ পূৰ্বেই ধ্বংস কৰি দিব। এইটো এষ্টৰয়ডৰ বাটত স্পেচ ক্ৰাফট পঠিওৱা হ’ব যিটোৱে এষ্টৰয়ড ধ্বংস কৰিব। নাছাৰ মতে তেওঁলোকে এই প্ৰযুক্তি প্ৰথমবাৰ ২০২৬ত প্ৰয়োগ কৰিবলৈ গৈ আছে। প্ৰতীকী ফটো