Pori Moni : অভিনেত্ৰীৰ চাঞ্চল্যকৰ অভিযোগ – ‘দূৰ কৰিবলগা হৈছে বহু প্ৰভাৱশালী লোকৰ শাৰীৰিক ক্ষুধা!’

বিদেশী সুৰাসহ নিষিদ্ধ মাদক দ্ৰব্য ৰখাৰ অভিযোগত গ্ৰেপ্তাৰ হৈছে বাংলাদেশৰ অভিনেত্ৰী পৰীমণি (Pori Moni)। তেওঁক সোধা–পোছা কৰি একাধিক গুৰুত্বপূৰ্ণ তথ্য পাইছে দেশখনৰ চিআইডিয়ে। বাংলাদেশৰ একাধিক উচ্চবিত্তৰ শাৰীৰিক চাহিদা দূৰ কৰিবলগীয়া হৈছে পৰীয়ে। লোকলজ্জাৰ ভয়ত নীৰৱ হৈ আছিল তেওঁ। সূত্ৰৰ খবৰ অনুসৰি, এই চাঞ্চল্যকৰ মন্তব্য কৰিছে মডেল–অভিনেত্ৰীগৰাকীয়ে।

এই বিষয়ে পৰীমণিৰ ভাষ্যৰ তথ্য পৰীক্ষা কৰি চোৱা হ’ব। সেই অনুসৰি আইনগত ব্যৱস্থা লোৱা হ’ব বুলি জনাইছে বাংলাদেশৰ চিআইডিৰ অতিৰিক্ত ডিআইজি শ্বেখ ওমৰ ফাৰুকে।

দেওবাৰে মালিবাগত চিআইডিৰ সদৰ দপ্তৰ সাংবাদিকক এই তথ্য জনায় ফাৰুকে। তেওঁ জনায়, এই ঘটনাত নানা পেছাৰ লোক জড়িত থকাৰ তথ্য পোৱা গৈছে। সকলো ধৰণৰ লোকৰে নাম পোৱা গৈছে। তদন্তৰ স্বাৰ্থত সেই বিষয়ে এতিয়া বিস্তাৰিতভাৱে কোৱা সম্ভৱ নহয়।

প্ৰয়োজন হ’লে পৰীমণিয়ে যিসকলৰ নাম উল্লেখ কৰিছে তেওঁলোকক সোধা–পোছাৰ বাবে মতা হ’ব পাৰে। ফাৰুকে কয়, ‘অপৰাধী যিমানেই প্ৰভাৱশালী নহওক কিয় আইনৰ আওতালৈ অনা হ’ব।’

ডিবি কৰ্মকৰ্তা ছাকলায়েনৰ সৈতে পৰীমণিৰ সম্পৰ্ক কি? এই বিষয়ে চিআইডিৰ সোধা–পোছাত পৰীমণিয়ে কোনো তথ্য দিছে নেকি? এই প্ৰশ্নৰ উত্তৰত ওমৰ ফাৰুকে কয়, ‘‘আমাৰ ওচৰত যিসমূহ গোচৰ আহিছে তাৰ অধিকসংখ্যকে মাদক দ্ৰৱ্য সংক্ৰান্তীয় গোচৰ। মাদক দ্ৰব্য সম্পৰ্কীয় গোচৰসমূহ আমি তদন্ত কৰিছো। তদন্তৰ বিষয়সমূহ সঠিকভাৱেই আগুৱাইছে। যদি আন কোনো বিষয় থাকে, আমি পিছত তদন্তৰ জৰিয়তে চোৱা হ’ব।’’

সোধা–পোছাত বহু গুৰুত্বপূৰ্ণ তথ্য পোৱা গৈছে বুলি উল্লেখ কৰি ফাৰুকে কয়, তদন্তত পোৱা তথ্যৰ কোনো প্ৰমাণ পোৱা গ’লেই সেই সম্পৰ্কে সকলোকে জনোৱা হ’ব। কোনো নিৰ্দোষী যেন এই ঘটনাত শাস্তি নাপায়, সেয়া সুনিশ্চিত কৰা হ’ব।

তেওঁ কয়, ‘‘কেৱল পৰীমণিয়ে নহয় বহুতেই ব্লেকমেইলৰ চিকাৰ হৈছে। তেওঁলোকৰ নামো আমি পাইছো। কিন্তু তেওঁলোকৰ সৈতে এতিয়াও কথা পাতিব পৰা নাই। তেওঁলোক সৈতে কথা পাতিম আমি। ভাষ্য নথিভুক্ত কৰা হ’ব। সেই ভাষ্য পৰীক্ষা কৰা হ’ব। তাৰ পিছতহে ক’ব পৰা যাব আৰু কোন এই ঘটনাত জড়িত।’’

উল্লেখযোগ্য যে বিগত ৪ আগষ্টত ৰেপিড একচন বেটেলিয়নে গ্ৰেপ্তাৰ কৰিছিল অভিনেত্ৰী পৰীমণিক। তাৰ পিছত আদালতে চাৰিদিনৰ আৰক্ষী জিম্মালৈ প্ৰেৰণ কৰে। বিগত বুধবাৰে পৰীমণিৰ ঘৰত তালাচী চলাই ১৮ লিটাৰ মদ, মাদক দ্ৰব্য জব্দ কৰিছিল ৰেবে।