Panjshir Vs Taliban : প্ৰতিৰোধৰ নাম হৈছে পঞ্জশীৰ! পঞ্জশীৰ দখল কৰিবলৈ অহা ৩০০ উগ্ৰপন্থীক আক্ৰমণ কৰি হত্যা মাছুদ সেনাৰ ! বিপৰীতে এই বাতৰি অস্বীকাৰ তালিবানৰ...

Panjshir Vs Taliban in Afghanistan :তালিবানে এতিয়া আফগানিস্তানৰ ৰাজধানী কাবুল দখল কৰাৰ পিছত পঞ্জশীৰ (Panjshir Vs Taliban in Afghanistan) ঘাটিৰ ফালে আগবাঢ়িছে। কিন্তু তেওঁলোকে পঞ্জশীৰ (Panjshir) জয় কৰাৰ আগতে, তেওঁলোক বাধাৰ সন্মুখীন হৈছে। প্ৰতিবেদন অনুসৰি, লুকাই থকা পঞ্জশীৰ বিদ্ৰোহীসকলে ৩০০ জন তালিবান উগ্ৰপন্থীক আক্ৰমণ কৰি হত্যা কৰিছিল। অৱশ্যে, তালিবানে বাতৰিটোক ভুৱা বুলি অভিহিত কৰিছে।  তালিবানে কৈছে যে তেওঁলোকে পঞ্জশীৰ কব্জা কৰিছে।

বাতৰি অনুসৰি, ফাচিউদ্দিন হাফিজুল্লাহৰ নেতৃত্বত তালিবানে পঞ্জশীৰত আক্ৰমণ চলাবলৈ শ শ উগ্ৰপন্থী প্ৰেৰণ কৰিছিল। কিন্তু আহমেদ মাছুদৰ (Ahmad Massoud Afghanistan) বাহিনীয়ে তেওঁলোকৰ সপোনত পানী ঢালিছিল। খবৰ অনুসৰি তালিবান উগ্ৰপন্থীসকলে আন্দাৰাব ঘাটিত উপস্থিত হোৱাৰ লগে লগে তেওঁলোকক ইতিমধ্যে তাত লুকাই থকা পঞ্জশীৰৰ বিদ্ৰোহীসকলে আক্ৰমণ কৰে। এই আক্ৰমণত ৩০০ জন তালিবান উগ্ৰপন্থী নিহত হৈছে।

নিজকে কাৰ্যকৰী ৰাষ্ট্ৰপতি ঘোষণা কৰা অমৰুল্লাহ চালেহে টুইট কৰি কয় যে আন্দাৰব উপত্যকাত তালিবান উগ্ৰপন্থীক উপযুক্ত প্ৰত্যুত্তৰ দিয়া হৈছে। তেওঁলোক তাত আৱদ্ধ হৈ আছে। তেওঁলোকে বহুতো উগ্ৰপন্থীক পঞ্জশীৰৰ প্ৰৱেশদ্বাৰত ৰাখিছে। আমি সোনকালেই এই সংকটৰ পৰা নিজকে উদ্ধাৰ কৰিবলৈ সক্ষম হ'ম।

আনহাতে, উগ্ৰপন্থী তালিবানে পঞ্জশীৰত ক্ষমতা স্থাপনৰ পিছতহে চৰকাৰ গঠনৰ কথা ঘোষণা কৰিব পাৰে বুলি বাতৰি পোৱা গৈছে। তালিবানৰ মুখপাত্ৰ জাবিউল্লাহ মুজাহিদে কৈছে যে নতুন চৰকাৰ গঠনৰ ক্ষেত্ৰত তালিবান নেতাসকলৰ সৈতে আলোচনা চলি আছে। নতুন চৰকাৰখন সোনকালেই ঘোষণা কৰা হ'ব।