PHOTOS: এখন আজৱ বিবাহ! দৰাই কইনাক উপহাৰ দিলে গাধ; দেখি আনন্দত জপিয়াই উঠিল যুৱতীগৰাকী, ব্যক্ত কৰিলে কাৰণ

বিবাহত উপহাৰ দিয়াৰ এক প্ৰথা আছে। কেৱল অতিথিসকলেই নহয়, দৰা-কইনায়ো বিবাহ উপলক্ষে নিজৰ স্ৱামী-পত্নীক স্মৰণীয় উপহাৰ দিয়ে। চচিয়েল মিডিয়াত চৰ্চাৰ বিষয় হৈ পৰা পাকিস্তানতো উপহাৰ দিয়াৰ এটা ঘটনা চৰ্চালৈ আহিছে।

পাকিস্তানত এজন দৰায়ে কইনাক সোণৰ ব্ৰেচলেট বা নেকেলেচ নহয় এটা গাধ উপহাৰ দিছে। হয়, পাকিস্তানৰ ইউটিউবাৰ আজলান শ্বাহে তেওঁৰ বিয়াত পত্নী ৱাৰিছাক এটা গাধ পোৱালি উপহাৰ দিছে। তেওঁ ইয়াৰ ভিডিঅ’টো নিজৰ ইনষ্টাগ্ৰাম একাউণ্টত শ্বেয়াৰ কৰাৰ লগতে ইয়াৰ কাৰণো দাঙি ধৰিছে।

নিজকে ভিডিঅ’ ক্ৰিয়েটৰ আৰু পশুপ্ৰেমী বুলি অভিহিত কৰা পাকিস্তানী আজলান শ্বাহে নিজৰ ইনষ্টাগ্ৰামত জনাইছে যে তেওঁ বিয়াত নিজৰ কইনাক গাধৰ পোৱালি উপহাৰ দিছে। আজলানে নিজৰ ইনষ্টাগ্ৰামত কিছু ছবি আৰু ভিডিঅ’ শ্বেয়াৰ কৰিছে, য’ত তেওঁ নিজৰ কইনাক গাধ উপহাৰ দিয়া দেখা গৈছে। এই ভিডিঅ'টো ছ'চিয়েল মিডিয়াত বহু জনপ্ৰিয় হোৱাৰ লগতে এই অনন্য উপহাৰটোক লৈ বহু চৰ্চিত হৈছে।

কাৰণ, পত্নীক কিয় গাধ উপহাৰ দিলে তাৰ উত্তৰত তেওঁ নিজৰ ইনষ্টাগ্ৰাম পোষ্টত লিখিছে, ‘এতিয়া প্ৰশ্নটো হ’ল গাধ কিয়, কাৰণ আপুনি ইয়াক ভাল পায় আৰু ই পৃথিৱীৰ আটাইতকৈ কঠোৰ পৰিশ্ৰমী আৰু মৰমিয়াল প্ৰাণী।’ ইয়াৰ পিছত ভিডিঅ’টোত বৰিষা নামৰ এগৰাকী কইনাই কোৱা দেখা গৈছে যে মই তোমাক কেৱল গাধ হ’বলৈ নিদিওঁ।

ইনষ্টাগ্ৰাম ভিডিঅ’টোত আজলানে কয়, ‘চাওক, মই জীৱ-জন্তু ভাল পাওঁ। মানুহে যিয়েই নকওক, গাধ মই ভালপোৱা জন্তু। ঠিক আছে, মই গাধ ভাল পাওঁ। আৰু হয়, এইটো মোৰ বৰিষালৈ উপহাৰ। আৰু অনুগ্ৰহ কৰি ইয়াক ঠাট্টা নকৰিব। এই কথা কোৱা হৈছে অভ্যৰ্থনা দিৱসৰ ভিডিঅ'ত।

কইনা ৱাৰিছাক গাধ উপহাৰ দিয়া আজলান শ্বাহ চচিয়েল মিডিয়াত চৰ্চাৰ বিষয়। মানুহে এই পদক্ষেপক প্ৰশংসা কৰিছে। কোনোৱে ইয়াক অতি সুন্দৰ বুলি বৰ্ণনা কৰিছে আৰু কোনোৱে এই দম্পতীক বহুত মৰম দিছে। কিন্তু এই পদক্ষেপৰ সমালোচকৰ অভাৱ নাই। লগতে তেওঁৰ ইনষ্টাগ্ৰাম পোষ্টত বিভিন্ন ধৰণৰ মন্তব্য। (সকলো ফটো ক্ৰেডিট- @azlanshahofficial)