Wasim Akram Wife Shaniera: 'পাকিস্তানৰ দৰে সুৰক্ষিত দেশ ক'তোৱেই নাই', ৱাছিম আক্ৰামৰ পত্নী শ্বেনেৰাৰ দাবীৰ পিছত ক্ৰিকেট জগতত ভাইৰেল

w নিউজীলেণ্ডে পাকিস্তানৰ বিৰুদ্ধে সীমিত অভাৰৰ শৃংখলা নখেলাৰ সিদ্ধান্ত লৈছে। নিউজীলেণ্ড ক্ৰিকেট বোৰ্ডে ইতিমধ্যে নিৰাপত্তাজনিত কাৰণ উল্লেখ কৰি ক্ৰিকেটাৰসকলক ঘৰলৈ উভতাই লৈ গৈছে। আৰু এতিয়া এই বিষয়ে পাকিস্তানৰ বৰ্তমান আৰু প্ৰাক্তন ক্ৰিকেটাৰসকল ক্ষোভত ফাটি পৰিছে। সকলোৱে দাবী কৰিছে যে পাকিস্তানত বৰ্তমান কোনো সুৰক্ষাজনিত সমস্যা নাই। ইয়াৰ পিছতে পাকিস্তানৰ প্ৰাক্তন পেচ বলাৰ ৱাছিম আক্ৰামৰ পত্নী শ্বেনেৰাইও তেওঁলোকৰ সৈতে একমত পোষণ কৰিছে।

শ্বেনেৰাই ২০১১ চনত মেলবৰ্ণত ৱাছিম আক্ৰামক লগ পাইছিল। তাৰ পিছত দুয়ো বন্ধু হৈ পৰিল। দুবছৰৰ পিছত, আক্ৰাম আৰু শ্বেনেৰাৰ বিবাহ হয়। তেওঁলোক লাহোৰত বিবাহপাশত আৱদ্ধ হৈছিল। শ্বেনেৰাই বিবাহৰ পিছৰে পৰা পাকিস্তানৰ কৰাচীত বাস কৰিবলৈ লয়। আক্ৰামৰ পত্নীয়ে দাবী কৰে যে তেওঁ পাকিস্তানত যথেষ্ট সুৰক্ষিত অনুভৱ কৰে।

শ্বেনেৰাই টুইটাৰত লিখিছে যে পাকিস্তানৰ দৰে সুৰক্ষা আৰু কোনো দেশতে থাকিব নোৱাৰে। ইফালে, পাকিস্তানৰ অধিনায়ক বাবৰ আজমে দাবী কৰে যে নিৰাপত্তাজনিত কাৰণত নিউজীলেণ্ডে শৃংখলাটো নখেলাৰ সিদ্ধান্ত অতিশয় নিৰাশাজনক।

পাকিস্তান আৰু নিউজিলেণ্ডে ১৭ ছেপ্টেম্বৰত ৰাৱালপিণ্ডিত শৃংখলাটোৰ প্ৰথমখন খেল খেলাৰ কথা আছিল। কিন্তু নিউজীলেণ্ড ক্ৰিকেট বোৰ্ডে একেদিনাই নিৰাপত্তাজনিত সমস্যাৰ কাৰণ দৰ্শাই শৃংখলাটো নেখেলাৰ সিদ্ধান্ত লয়। কিন্তু শ্বেনেৰাই নিউজীলেণ্ডৰ এই সিদ্ধান্তত হতাশা ব্যক্ত কৰে।

ৱাছিম আক্ৰামৰ প্ৰথম পত্নীৰ ফালৰ পৰা দুটি সন্তান আছে। তেওঁলোকক শ্বেনেৰাই নিজ সন্তান ৰূপে গ্ৰহণ কৰি লৈছে অৰু দীৰ্ঘদিন ধৰি পাকিস্তানতে আছে। ৱাছিমৰ পত্নী অষ্ট্ৰেলিয়াৰ।