কন্যা সন্তান বিচাৰিছিল বহুদিন ধৰি। কিন্তু একেৰাহে ১৪ বাৰ পুত্ৰ সন্তানৰ মুখ দেখিছিল দম্পতিটোৱে। কিন্তু বহু আশাৰ অন্তত অৱশেষত দেখিলে সেই দিনটো! ১৪টাকৈ পুত্ৰ সন্তানৰ পিছতো কন্যা সন্তানৰ আশা এৰি দিয়া নাছিল দম্পতিটোৱে। আৰু অৱশেষত আহিল সেই বিশেষ দিনটো। ঘৰলৈ আহিল এজনী মৰম লগা কণমানি পৰী। আৰু সেই আনন্দত আত্মহাৰা হৈ পৰিছে, মিছেছ কাটেৰী আৰু জয় চোৱানডটৰ পৰিয়াল। সৰু ভনীয়েকক পাই সুখী ১৪টা ককায়েক। আটাইতকৈ ডাঙৰটো সন্তানৰ বয়স ২৮ বছৰ। ১৯৯৩ চনত জয় চোৱানডটৰ সৈতে বিবাহ পাশত আবদ্ধ হৈছিল কিশোৰী কাটেৰী। সৰু কালৰ পৰা বন্ধুত্ব, তাৰ পিছত প্ৰেম। প্ৰথমৰ পৰাই তেওঁলোকে বিচাৰিছিল এটি কন্যা সন্তান। কিন্তু বাৰে বাৰে ভংগ হৈছিল সপোন। তথাপিও আশা এৰি দিয়া নাছিল আমেৰিকাৰ মিছিগান প্ৰদেশৰ দম্পতিটোৱে। অৱশেষত ৪৫ বছৰ বয়সত এটি কন্যা সন্তানৰ মাতৃ হ’ল কাটেৰী। আনন্দত আত্মহাৰা পৰিয়ালৰ সকলো। দম্পতিটোৰ আটাইতকৈ সৰু পুত্ৰৰ নাম ফিনেল চেবৰগান। ২০১৮ চনত হৈছিল জন্ম।
