Googleৰ লাখটকীয়া দৰমহাৰ চাকৰি এৰি যুৱতীয়ে বনাবলৈ ল'লে TikTok ভিডিঅ', ফলাফল দেখি আচৰিত নিজেও

আমেৰিকা যুক্তৰাষ্ট্ৰত বাস কৰা মেলিছা অঙে (Melissa Ong) গুগলত ইউএক্স ডিজাইনৰ (UX Design) কাম কৰিছিল। তেওঁ ইয়াৰ আগতে য়াহুতো কাম কৰিছিল, কিন্তু এনে এটা সময় আহিছিল যেতিয়া তেওঁ কৰ্পোৰেট চাকৰিৰ প্ৰতি আগ্ৰহ হেৰুৱাইছিল। এয়া হৈছিল কিবা বেলেগ কৰাৰ আকাংক্ষাত। তেওঁ চাকৰি এৰি দিছিল।

মেলিছা অঙে চাকৰি এৰি দিয়াৰ পিছত সামাজিক মাধ্যমত তেওঁ ধেমেলীয়া ভিডিঅ' পোষ্ট কৰা আৰম্ভ কৰে। কাৰণ কৌতুকৰ প্ৰতি আগ্ৰহী আছিল তেওঁ। গুগলৰ চাকৰি এৰি এনে কৰিবলৈ যোৱাটো একপ্ৰকাৰ ৰিস্ক লোৱাৰ দৰে। কিন্তু প্ৰথম অৱস্থাত কিছু সমস্যা হ'লেও মেলিছাৰ এটা ভিডিঅ' ভাইৰেল হয়। এই সফলতাৰ পিছত এই দিশত তেওঁ পুনৰ আগ্ৰহেৰে নামি পৰে।

কেইদিনমানৰ ভিতৰতে মেলিছাই টিকটকত ১০ লাখ অনুসৰণকাৰী পায়। তেওঁৰ ধেমেলীয়া সমল বহুতে ভাল পায়। যিয়ে তেওঁক দিছে আন এক সাফল্য। এই মুহূৰ্তত মেলিছাই তেওঁৰ গুগল দৰমহাতকৈ অধিক উপাৰ্জন কৰিছে।

২০২০ চনত মেলিছাই চাকৰি এৰি দিছিল। ইয়াৰ মাজতে কোৰোনা মহামাৰী আহিছিল আৰু প্ৰায় সমগ্ৰ বিশ্ব লকডাউনৰ কবলত পৰে। এই সময়ত মেলিছাই প্ৰতিদিনে ডজনৰ হিচাপত টিকটক ভিডিঅ' বনায়।

মেলিছাই কয় যে আগতে তেওঁৰ দৰমহা নিৰ্ধাৰিত আছিল। কিন্তু এতিয়া তেওঁৰ উপাৰ্জন প্ৰতি মাহে বাঢ়ি গৈ থাকে আৰু কেতিয়াবা হ্ৰাস হয়। কিন্তু ভাল টকা উপাৰ্জন কৰে এই মুহূৰ্তত। টকা আৰু সুখ দুয়োটাই তেওঁ পাইছে এতিয়া।

মেলিছা অঙৰ মতে তেওঁ সৰুৰে পৰা কৌতুক ভাল পাইছিল। গতিকে তেওঁ ইয়াক ছ'চিয়েল মিডিয়াৰ জৰিয়তে প্ৰচাৰ কৰাৰ সুবিধা পাইছে যেতিয়া তেওঁৰ পছন্দ অনুসৰি আগবাঢ়িছে। (সকলো ফটো ক্ৰেডিট- Instagram/@chunkysdead)