Cristiano Ronaldo Girlfriends: ৰোনাল্ডোৰ নামতেই কেৱল মুগ্ধ নেকি! তেওঁৰ ছেক্সী প্ৰেমিকাৰ তালিকা জানিলে চকু কপালত উঠিব...

গীনিজ বুক অৱ ৰেকৰ্ডছত ক্ৰিষ্টিয়ানো ৰোনাল্ডো (Cristiano Ronaldo)ৰ নাম অন্তৰ্ভুক্ত। ফুটবলৰ ইতিহাসত আন্তঃৰাষ্ট্ৰীয় পৰ্যায়ত সৰ্বাধিক গ'ল কৰাৰ কৃতিত্ব অৰ্জন কৰিছে ৰোনাল্ডোৱে। তেওঁ শুকুৰবাৰে সেই ঐতিহাসিক ছবিখন ফেচবুকত পোষ্ট কৰিছিল আৰু নিজেই এই সংবাদ বিশ্ববাসিক দিছিল। ফুটবল জগতত তেওঁৰ যিমান সুনাম আছে, মহিলা মহলতো তেওঁৰ সিমানেই সুনাম আছে। নিশ্চিতভাৱেই ফুটবলৰ সুন্দৰ কোঁৱৰ আৰু ৰাজকুমাৰ ক্ৰিষ্টিয়ানো ৰোনাল্ডো। ৰোনাল্ডোৰ জীৱনত প্ৰেমিকাৰ (Cristiano Ronaldo Girlfriends)ৰ তালিকাখন বৰ এটা চুটিও নহয়...

এই মুহূৰ্তত ৰোনাল্ডোৰ প্ৰেমিকা হৈছে জৰ্জিনা ৰড্ৰিগেজ। জৰ্জিনা আৰু ৰোনাল্ডোৰ চতুৰ্থ সন্তানৰ জন্ম হৈছে। অৱশ্যে, তেওঁ কেতিয়াও ৰাজহুৱাভাৱে তেওঁৰ প্ৰথম সন্তানৰ মাতৃৰ নাম প্ৰকাশ কৰা নাছিল। দ্বিতীয় আৰু তৃতীয় সন্তানৰ জন্ম এগৰাকী চাৰোগেট মাতৃয়ে কৰিছিল। নৱেম্বৰ ২০১৬ৰ পৰা ৰোনাল্ডো আৰু ৰড্ৰিগেজ একেলগে আছে।

এজন পেছাদাৰী ফুটবলাৰ হোৱাৰ পিছত ৰোনাল্ডোৰ প্ৰথম প্ৰেমিকা আছিল জৰ্ডানা জাৰ্ডেল। তেওঁ সহফুটবলাৰ মাৰিঅ জাৰ্ডেলৰ ভগ্নী আছিল। জৰ্ডানা এগৰাকী ব্ৰাজিলিয়ান মডেল। ২০০৩ চনৰ পৰা তেওঁলোকৰ মাজত সম্পৰ্ক গঢ়ি উঠিছিল।

তাৰ পিছত ২০০৫ চনৰ ছেপ্টেম্বৰৰ পৰা ২০০৬ চনলৈ পৰ্তুগীজ মডেল আৰু টিভি এংকৰ মাৰ্কে ৰোমেৰোৰ প্ৰেমত পৰিছিল ৰোনাল্ডো।

২০০৭ চনৰ আৰম্ভণিতে ব্ৰিটিছ মহিলা জেমা এটকিনছনৰ সৈতে চাৰি মাহৰ বাবে প্ৰেমৰ সম্পৰ্ক আছিল ৰোনাল্ডোৰ। এইগৰাকীয়েই প্ৰথম ব্ৰিটিছ মহিলা যাৰ প্ৰেমত পৰিছিল ক্ৰিষ্টিয়ানো ৰোনাল্ডো।

২০০৮ চনৰ আৰম্ভণিতেই জীৱনৰ বহুতো বস্তু সলনি কৰাৰ কথা ভাবিছিল ৰোনাল্ডোৱে। তেওঁ লগে লগে নিজৰ প্ৰেম জীৱন সলনি কৰে। তেতিয়া স্পেনিছ মডেল নেৰেডা গালাডোৰ প্ৰেমত হাবুডুবু খাই আছিল ৰোনাল্ডো। অৱশ্যে সেই বছৰতে তেওঁলোকৰ সম্পৰ্ক ছেদ হৈ পৰিছিল।

তাৰ পিছত, বহুতো নাৰী ৰোনাল্ডোৰ জীৱনলৈ আহিছে। গেব্ৰিয়েলা এণ্ড্ৰিংগাৰ, ৰাফেলা ফিকো, পেৰিছ হিল্টন, কিম কাৰ্দাছিয়ানৰ দৰে নাৰী ৰোনাল্ডোৰ জীৱনলৈ আহিছিল। কিন্তু ২০১০ চনত ইৰিনা শ্বায়েকৰ সৈতে হোৱা সম্পৰ্ক দীৰ্ঘদিন ধৰি অটুট আছিল। প্ৰায় ৫ বছৰ ধৰি এই ৰাছিয়ান মডেলগৰাকীৰ সৈতে তেওঁৰ প্ৰেমৰ সম্পৰ্ক আছিল। তেওঁলোক ২০১৫ চনৰ জানুৱাৰীত পৃথক হৈছিল।

২০১৫ চনত শ্বায়েকৰ সৈতে বিচ্ছেদৰ পিছত ৰোনাল্ডো লুচিয়া ভিলালনৰ প্ৰেমত পৰিছিল। লুচিয়া আছিল এগৰাকী স্পেনিছ সংবাদিক। কিন্তু সেই সম্পৰ্ক বেছি দিন স্থায়ী নহ'ল। তাৰ পিছতে তেওঁ জৰ্জিনা ৰড্ৰিগেজৰ সৈতে প্ৰেমৰ সম্পৰ্কত বান্ধ খাই পৰিছিল। বৰ্তমান ৰড্ৰিগেজেই ৰোনাল্ডোৰ প্ৰেমিকা।

এইসকলক বাদ দিও আন বহু মহিলাৰ নাম ৰোনাল্ডোৰ প্ৰেমিকা হিচাপে শুনা গৈছিল। পৰ্তুগীজ মডেল কৰীণা ফেৰো, পৰ্তুগীজ নায়িকা আৰু মডেল চোৰায়া চেভেছৰ নাম উল্লেখযোগ্য। তেওঁ ২০০৭ চনত বলীউডৰ অভিনেত্ৰী বিপাশা বসুৰ প্ৰেমতো পৰিছিল বুলি গুজব ওলাইছিল।