ICC World Cup 2019: চেম্পিয়ন ইংলেণ্ডে পালে ইমান টকা কিন্তু নাপালে আচল ট্ৰফী

ICC World Cup 2019ৰ ফাইনেল মেচখন লৰ্ডছ খেলপথাৰত ইংলেণ্ড আৰু নিউজীলেণ্ডৰ মাজত অনুষ্ঠিত হ’ল। ৰোমাঞ্চকৰ এই মেচখনত নিউজীলেণ্ডৰ ভাগ্যই তেওঁলোকক সংগ নিদিলে আৰু ইংলেণ্ড ৱৰ্ল্ড চেম্পিয়নৰ খিতাপ দখল কৰিলে। ২৩ বছৰৰ পিছত ক্ৰিকেট জগতে লাভ কৰিলে নতুন ৱৰ্ল্ড চেম্পিয়ন। এই জয়ৰ লগতে ইংলেণ্ডৰ খেলুৱৈসকলৰ ওপৰত টকাৰ বৰষুণ হৈছে।

আইচিচিয়ে এইবাৰ ৱৰ্ল্ড কাপৰ বাবে এক কোটি ডলাৰ অৰ্থাৎ প্ৰায় ৭০.১২ কোটি টকাৰ পুৰস্কৃত ধন নিৰ্ধাৰণ কৰিছিল। ৱৰ্ল্ড কাপত ইংলেণ্ডে জয়ৰ সৈতে ৪০ লাখ ডলাৰ অৰ্থাৎ ২৮ কোটি টকা পুৰস্কাৰ লাভ কৰিছে।

এই মেচখনত ফাইনেল প্ৰৱেশ কৰা নিউজীলেণ্ডৰ দলটোৱে ২ মিলিয়ন ডলাৰ অৰ্থাৎ ১৪ কোটি টকা প্ৰদান কৰিছে। ইয়াৰোপৰি ছেমিফাইনেলত পৰাজয় বৰণ কৰা ভাৰত আৰু অষ্ট্ৰেলিয়া দলটোৱে লাভ কৰিছে চাৰে পাঁচ–পাঁচ কোটি টকা প্ৰদান কৰিছে।

ইফালে লীগ পৰ্যায়ত মেচ জয়ী হোৱা প্ৰতিটো দলক ৪০–৪০ হাজাৰ ডলাৰ(২৮ লাখ টকা) আৰু নকআউট পোৱা প্ৰতিটো দলক ১–১ লাখ ডলাৰ(৭০ লাখ) প্ৰদান কৰা হৈছে।

ৱৰ্ল্ড কাপ ট্ৰফীৰ ওজন ১১ কিলোগ্ৰাম আৰু সোণ আৰু ৰূপেৰে গঢ়া হৈছে। ৬০ ছেণ্টিমিটাৰ উচ্চতাৰ এই ট্ৰফীটো ১৯৯৯ত প্ৰথমবাৰ প্ৰস্তুত কৰা হৈছিল। ৩ ডাল ষ্টাম্পছৰ প্ৰতীকৰ ৰূপত স্তম্ভ অংকন কৰা হয় আৰু মাজত থাকে এটা গ্ল’ব।

সোণেৰে প্ৰস্তুত কৰা হয় গ্ল’বটো। ৱৰ্ল্ড কাপৰ প্ৰকৃত ট্ৰফী আইচিচিৰ লগতে থাকে। বিজয়ী দলক ইয়াৰ প্ৰতিকৃতিহে প্ৰদান কৰা হয়। ICC বিজয়ী দলটোক আনন্দ–উল্লাসৰ বাবে ৱৰ্ল্ড কাপৰ প্ৰকৃত ট্ৰফী প্ৰদান কৰা নহয়।