Happy Birthday Lionel Messi: ৫ বছৰ বয়সতে এণ্টোনিয়াক অন্তৰ দিছিল মেছিয়ে, ২৫ বছৰ পিছত পাতিছিল বিয়া।

ফুটবল জগতৰ মহান খেলুৱৈসকলৰ অন্যতম লিওনেল মেছিৰ প্ৰেম কাহিনী (Messi Love Stroy)ও কম ৰোমাঞ্চকৰ নহয়। সৰুৰে পৰাই লাজকুৰিয়া মেছিয়ে ৫ বছৰ বয়সতে দেখিছিল পত্নী এণ্টোনীয়া ৰোকুঝো (Antonella Roccuzzo)ক। জীৱনৰ ২৯ বছৰ এণ্টোনীয়াৰ প্ৰেমত হাবু-ডুবু খাই থাকিল মেছিয়ে। (Image: Shutterstock)

সম্পৰ্কীয় ভায়েক লুকাছৰ ঘৰত এণ্টোনীয়াক প্ৰথম দেখিছিল মেছিয়ে। ৯-১০ বছৰ বয়সত এণ্টোনীয়াৰ প্ৰেমত পুৰামাত্ৰাই ডুব গৈছিল মেছি (Lionel Messi)। সেইসময়ত বন্ধুসকললৈ লিখা চিঠিত এণ্টোনীয়া এদিন মেছিৰ প্ৰেমিকা হ'ব বুলি লিখিছিল। (Image: Shutterstock)

খ্যাতিৰ শিখৰত আৰোহণ কৰিও মেছিয়ে শৈশৱৰ প্ৰেম পাহৰি নগ'ল। ২০০৯ চনত প্ৰথমবাৰৰ বাবে মেছিয়ে বিশ্বক জনাইছিল তেওঁৰ প্ৰেয়সীৰ নাম। ২০০৯ত বাৰ্ছিলোনাই চেম্পিয়নছ ট্ৰফীৰ খিতাপ জয় কৰা পাছত এক সাক্ষাৎকাৰত মেছিয়ে কৈছিল যে তেওঁৰ এগৰাকী প্ৰেমিকা আছে আৰু তেওঁ আৰ্জেণ্টিনাত থাকে। (Image: Shutterstock)

মেছিয়ে নিজৰ প্ৰেমৰ কথা ৰজহুৱা কৰাৰ পাছত এণ্টোনীয়া স্পেইনলৈ আহি মেছিৰ সৈতে থাকিবলৈ ল'লে। ২০১২ চনৰ ২ জুনত ইকুৱেডৰৰ বিপক্ষে গ'ল দিয়াৰ লগে লগে মেছিয়ে বলটো নিজৰ জাৰ্ছীৰ ভিতৰত সুমুৱাই ল'লে আৰু বিশ্বক জনাই দিলে যে তেওঁ পিতা হ'ব ওলাইছে। Image: Shutterstock)

মেছিয়ে নিজৰ দ্বিতীয় সন্তানৰ নাম ৰাখিছিল মতিঅ'। আমোদজনক কথা এই যে পৰ্তুগালৰ ছুপাৰষ্টাৰ ফুটবলাৰ ৰোণাল্ডোৱেও নিজৰ পুতেকৰ নাম ৰাখিছিল মতিঅ'। দুটা সন্তানৰ জন্মৰ পিছত মেছিয়ে ২০১৭ চনৰ ৩০ জুনত এণ্টোনীয়াৰ সৈতে বিবাহ বান্ধোনত সাঙোৰ খাই পৰে। (Image: Shutterstock)

বিয়াৰ পিছৰ বছৰতেই মেছি তৃতীয় সন্তানৰ পিতৃ হৈছিল। যাৰ নাম ৰাখিছিল ছিৰো।(Image: Shutterstock)

মেছিয়ে নিজৰ কেৰিয়াৰত এতিয়ালৈ ৬৭৪টা গ'ল কৰিছে। কেৱল বাৰ্চিলোনা (Barcelona)ৰ হৈয়েই ৫২০ খন খেলত ৪৭৪টা গ'ল কৰিছে মেছিয়ে। ৬বাৰ বেলেন-ডি-অ'ৰ বঁটা জয় কৰা খেলুৱৈ হৈছে মেছি। (Image: Shutterstock)