মঙল গ্ৰহৰ মাটিত বিলাহীৰ খেতি কৰি ফুড কোম্পানী হাইঞ্জে বনালে টমেটো ছচ Heinz Ketchup!

মানুহৰ বাবে আন এক সফলতা। আমেৰিকান খাদ্য কোম্পানী হাইঞ্জৰ বিখ্যাত কেচাপ ব্ৰেণ্ড (Heinz Ketchup) মঙল গ্ৰহৰ মাটিৰ দৰে পৰিৱেশত উৎপাদন কৰা হৈছে। ৮ নৱেম্বৰত কোম্পানীটোৱে প্ৰস্তুত কৰা টমেটো ছচৰ "মঙল সংস্কৰণ"ৰ বিষয়ে অৱগত কৰে। এই বিৰল ছচ পৃথিৱীত মঙলৰ পৰিৱেশত উৎপন্ন হোৱা কিছুমান প্ৰিমিয়াম মানৰ বিলাহীৰে তৈয়াৰ কৰা হৈছিল।

মঙল গ্ৰহৰ মাটিক মাৰ্টিন ৰেজোলিথ বুলি কোৱা হয়৷ মঙল গ্ৰহৰ মাটিত কাৰ্বনিক পদাৰ্থ পোৱা নাযায়। লগতে সূৰ্যৰ ৰশ্মি মঙ্গল গ্ৰহত খুব কম পৰিমাণে উপলব্ধ৷ সেয়েহে বিলাহী উৎপাদক দলে তাত বিলাহী উৎপাদনৰ উপায় বিচাৰি উলিয়াইছে৷

মঙলত মানুহৰ বসতিক লৈ মানুহৰ কল্পনাক সাকাৰ ৰূপ দিয়াৰ চিন্তা কৰা হৈছে। এনে পৰিস্থিতিত এদিন নহয় এদিন মানুহে মঙল গ্ৰহত শস্য উৎপাদন কৰিব লাগিব৷ গতিকে মঙল গ্ৰহৰ দৰে এটা পৰিৱেশ নিৰ্মাণ কৰি সেউজগৃহত শস্য উৎপাদন কৰা হৈছে। মঙল গ্ৰহৰ মাটিৰ দৰে মাটিও ইয়াত ব্যৱহাৰ কৰা হৈছে৷ এই মাটি ব্যৱহাৰ কৰি বিলাহী উৎপাদন কৰি হাইঞ্জ কেচাপ তৈয়াৰ কৰা হৈছে৷

হাইঞ্জে বিলাহীৰ নতুন মঙল সংস্কৰণৰ কেচাপ বা ছচ তৈয়াৰ কৰিছে এই কাৰণতে। কোম্পানীটোৰ মতে, এই বিলাহীৰ সোৱাদ বেলেগ। এই ছচৰ বটল তেওঁলোকে মহাকাশলৈ পঠিয়াইছে, বটলটো ৯৪ ডিগ্ৰী তাপমাত্ৰাত ৰখা হৈছে। তাৰ পিছত ইয়াক পৃথিৱীলৈ পুনৰ ঘূৰাই অনা হৈছে।

হাইঞ্জ টমেটো মাষ্টাৰ্ছে এটা কথা জনাৰ বাবে এই প্ৰচেষ্টা গ্ৰহণ কৰিছিল। ইয়াৰ দ্বাৰা প্ৰমাণ কৰিব বিচৰা হৈছিল যে ৰঙা গ্ৰহৰ মাটিত বিলাহী উৎপাদন কৰিব পাৰিনে নোৱাৰি। ইয়াৰ উৎপাদনৰ বাবে উন্নতমানৰ বীজ ব্যৱহাৰ কৰা হৈছিল।

১৪ জনীয়া এষ্ট্ৰোবায়োলজিষ্টৰ এটা দলে ফ্লৰিডা ইনষ্টিটিউট অৱ টেকন'লজীৰ এলড্ৰিন স্পেচ ইনষ্টিটিউটত ৯ মাহ কাম কৰিছিল। মঙল গ্ৰহৰ দৰে মাটি, উষ্ণতা আৰু পানীৰ পৰিস্থিতিৰ সৈতে নিয়ন্ত্ৰিত পৰিৱেশত বিলাহী খেতি কৰিছিল তেওঁলোকে।