ক্ৰিকেটত শক্তি বাঢ়িছে বাংলাদেশীৰ, ক্ৰিকেট বিশ্বক দিছে চমক
আইচিচি বিশ্বকাপ ক্ৰিকেট ২০১৯ৰ আৰম্ভণীতে চমকপ্ৰদ প্ৰদৰ্শন কৰিছে বাংলাদেশে। দেওবাৰে দক্ষিণ আফ্ৰিকাক ২১ ৰাণত পৰাস্ত কৰি বৃহৎ অঘটন বাংলাদেশৰ।
অন্তঃৰাষ্ট্ৰীয় ক্ৰিকেটত নতুন শক্তি হিচাপে ক্ৰমাত উত্থান বাংলাদেশ ক্ৰিকেট দলৰ। আন্তঃৰাষ্ট্ৰীয় ক্ৰিকেটৰ বিভিন্ন প্ৰতিযোগিতাত ইতিমধ্যে নিজৰ চমকপ্ৰদ প্ৰদৰ্শনেৰে সকলোকে প্ৰভাৱিত কৰিছে দলটোৱে। বাংলাদেশৰ বিৰুদ্ধে পৰাজয় স্বীকাৰ কৰি বিশ্বকাপৰৰ প্ৰথম ৰাউণ্ডতে বাহিৰ হ’বলগীয়াও হৈছে বহুকেইটা আগশাৰীৰ দলৰ। ক্ৰিকেট বিশ্বত বাংলাদেশৰ পাঁচটা ‘চমৎকাৰ’
১৯৯৯ চনৰ বিশ্বকাপ ক্ৰিকেটত প্ৰথমটো অঘটন ঘটাইছিল বাংলাদেশে। প্ৰতিযোগিতাখনত বাংলাদেশে পাকিস্তানক ৬২ ৰাণত পৰাস্ত কৰে । খেলখনত বাংলাদেশে পাকিস্তানৰ সন্মুখত প্ৰথমে বেট ধৰি নিৰ্ধাৰিত ৫০ অভাৰত ২২৩ ৰাণৰ লক্ষ্য বান্ধি দিয়ে। কিন্তু প্ৰত্যুত্তৰত পাকিস্তানে ১৬১ ৰাণতে আটাইকেইটা উইকেট হেৰুৱাই পৰাজয় স্বীকাৰ কৰে।
২০০৫ চনত নেটৱেষ্ট ছিৰিজত বাংলাদেশে অষ্ট্ৰেলিয়াৰ দৰে শক্তিশালী দলক পৰাস্ত কৰি সকলোকে আচৰিত কৰে। খেলখনত অষ্ট্ৰেলিয়াই প্ৰথমে বেট ধৰি বাংলাদেশৰ সন্মুখত ২৪৯ ৰাণৰ লক্ষ্য বান্ধি দিছিল। কিন্তু বাংলাদেশে সেই লক্ষ্য ৪৯.২ অভাৰতে পাঁচটা উইকেট হেৰুৱাই অতিক্ৰম কৰে। খেলখনত বাংলাদেশৰ বেটচমেন মহমদ আশ্ৰাফুলে দৰ্শনীয় শতৰাণৰ ইনিংছ খেলিছিল।
২০০৭ ৰ বিশ্বকাপত বাংলাদেশে গ্ৰুপ পৰ্যায়ৰ খেলত ভাৰতৰ দৰে শক্তিশালী দলক পৰাস্ত কৰি আন্তঃৰাষ্ট্ৰীয় ক্ৰিকেটৰ ইতিহাসত তৃতীয়টো অঘটন ঘটায়। খেলখনত ভাৰতে বান্ধি দিয়া ১৯১ ৰাণৰ লক্ষ্য বাংলাদেশে ৪৮.৩ অভাৰত পাঁচটা উইকেট হেৰুৱাই অতিক্ৰম কৰে। সেইবাৰ বিশ্বকাপত ভাৰত, বাংলাদেশৰ বিৰুদ্ধে পৰাস্ত হোৱাৰ ফলত গ্ৰুপ পৰ্যায়ৰ পৰাই বিদায় ল’বলগীয়া হৈছিল।
