Chris Gayle Life: পাহাৰৰ কোলাত আলিশান ঘৰ, বন্ধনবিহীন জীৱন ! ক্ৰিছ গেইলে বাস কৰে ৰজাৰ দৰে

তিনিও ধৰণৰ ক্ৰিকেটত খেলিব বিচৰা নাছিল তেওঁ। তেওঁৰ খোজ-কাটলো অন্য সকলতকৈ যথেষ্ট সুকীয়া আছিল। ক্ৰিছ গেইলৰ কথা কোৱা হৈছে। ক্ৰিছ গেইল কেৱল টি-২০ ক্ৰিকেটৰ অবিসম্বাদী ৰজা হ'ব বিচাৰিছিল। তেওঁ পৃথিৱীৰ বিভিন্ন দেশত ফ্ৰেঞ্চাইজি লীগবোৰত খেলিছিল আৰু ইমান বেছি টকা উপাৰ্জন কৰে যে তেওঁ বৰ্তমান ৰজাৰ দৰে জীৱন কটায়।

পাৰ্টী কৰি তেওঁ খুব ভাল পায়। সেয়েহে গেইলে নিজৰ ঘৰতে হাউছ পাৰ্টী কৰিবলৈ বিশেষ ব্যৱস্থাও কৰি লৈছে। ছুইমিং পুল বনাই তাত পুল পাৰ্টী কৰে। আনকি ঘৰৰ ভিতৰতে ডান্স ফ্লোৰ ব্যৱস্থা কৰি লৈছে ক্ৰিছ গেইলে।

মাৰ্চিডিজ, লেম্বৰ্ঘিনী, লেণ্ড ক্ৰুইজাৰে (Mercedes, Lamborghini, Land Cruzer) তেওঁৰ গেৰেজৰ শোভা বঢ়ায়। হাৰ্লী ডেভিডছন (Harley Davidson)ৰ দৰে অতি দামী কেইবাখনো মটৰচাইকেল আছে গেইলৰ। জামাইকাৰ পৰ্বতৰ কোলাত তেওঁ থ্ৰী ষ্টৰীৰ অট্ৰালিকা নিৰ্মাণ কৰি লৈছে আৰু ইয়াতেই ক্ৰিছ গেইল বাস কৰে।

গেইলৰ পৰিয়ালেএটা সময়ত যথেষ্ট আৰ্থিক সংকটত জীৱন অতিবাহিত কৰি থৈছে। গেইলৰ দেউতাক এজন আৰক্ষী বিষয়া আছিল। মাতৃয়ে বিস্কুট বিক্ৰী কৰিছিল। কিন্তু এতিয়া সেইবোৰ অতীত। গেইলে এতিয়া ১০ খন দেশৰ ১৪ টা ফ্ৰেঞ্চাইজি লীগত খেলি অজস্ৰ ধন-সম্পত্তিৰ অধিকাৰী হৈছে। তেওঁ নিজৰ ধৰণে জীৱন উপভোগ কৰে।

গেইলৰ পত্নী নাতাশা আৰু কন্যা ব্লাশ্বকৰ সৈতে এখন সূখৰ সংসাৰ । ক্ৰিকেট নেখেলাকৈ থকা সময়বোৰত তেওঁ সন্তান আৰু পত্নীৰ সৈতে সময় কটাই খুব ভাল পায়।