ভয়ংকৰ! গাড়ীৰ চাইজৰ মহাজাগতিক শিলাখণ্ড পৃথিৱীৰ গাত ঘঁহনি খাই পাৰ হৈ গ’ল, গমেই নাপালে NASA–ই
নাছাৰ ফালৰ পৰা জনোৱা হৈছে এইটো এটা ৰেকৰ্ড যে পৃথিৱীৰ ইমান কাষেৰে আগতে কোনো মহাজাগতিক শিলাখণ্ড পাৰ হৈ যোৱা নাই।
ইটালীৰ অৱজাৰভেশ্যন চেন্টাৰ Sormano Astronomical Observatory–এ এই মহাজাগতিক শিলাখণ্ডৰ অস্তিত্বৰ কথা জনায়৷ এইটোৱে পৃথিৱীক আঘাত কৰা নাই৷ অৱজাৰভেশ্যন চেন্টাৰৰ বিবৃতি অনুসৰি ইয়াৰ আকাৰৰ কাৰণে পৃথিৱীৰ কাৰো ক্ষতি নহ’ল। তথাপিও এই এষ্টৰয়েডৰ উপস্থিতি ইমান ভয়ানক হৈ উঠাৰ কাৰণ এইটো পৃথিৱীৰ সমীপেৰে পাৰ গৈ যোৱাৰ পূৰ্বে কোনো মহাকাশচাৰীয়ে ইয়াৰ অস্তিত্বৰ কথা ধৰিবই নোৱাৰিলে৷ Photo- Collected
NASA-ৰ ডাইৰেক্টৰ পল চোদাচে (Paul Chodas) জনাইছে, ‘আমি দেখা পোৱা নাছিলো যে এইটো আহিছে।’ পৃথিৱীৰ দিশে তীব্ৰবেগে অহা এই এষ্টৰয়েডৰ বিষয়ে মাত্ৰ ছঘণ্টা পূৰ্বেহে গম পায় বিজ্ঞানীসকলে। কেলিফোৰ্নিয়াৰ পালোমাৰ অবজাৰভেৰটৰীয়ে এই তথ্য প্ৰদান কৰে। নাছাৰ ফালৰ পৰা জনোৱা হৈছে এইটো এটা ৰেকৰ্ড যে পৃথিৱীৰ ইমান কাষেৰে আগতে কোনো মহাজাগতিক শিলাখণ্ড পাৰ হৈ যোৱা নাই। Photo- Collected
এই মহাজাগতিক শিলাখণ্ডৰ নাম প্রথমে দিয়া হৈছিল ZTF0DxQ, পৰৱৰ্তী সময়ত ইয়াক অফিচিয়েলি নামাকৰণ কৰা হয় 2020 QG৷ সোমবাৰৰ দিনটোত ইয়াৰ অস্তিত্বৰ কথা প্রথম টুইট কৰে orbitsimulator.com -ৰ টনি ডুনে৷ পূৱ অষ্ট্ৰেলিয়াৰ প্রশান্ত মহাসাগৰৰ সমীপেৰে এই asteroid পাৰ হৈ যায়। আন্তঃৰাষ্ট্ৰীয় সময়ৰ হিচাপত পুৱা প্ৰায় ৪টা বজাত এই মহাজাগতিক ঘটনা ঘটে৷ সাধাৰণতে এই ধৰণৰ শিলাখণ্ড মহাকাশতে বিস্ফোৰণ ঘটাই ধ্বংস কৰি দিয়া হয়। ইয়াৰ জৰিয়তে আকাশত দেখা যায় সুন্দৰ দৃশ্য। Photo- Collected
