অষ্ট্ৰেলিয়াত বনজুইত জীৱন্তে অগ্নিদগ্ধ হৈ মৃত্যু ৫০ কোটি বন্যজন্তুৰ, চাৰিওফালে হাহাকাৰ

অষ্ট্ৰেলিয়াৰ নিউ চাউথ ৱেলছৰ বনাঞ্চলত হোৱা বনজুইয়ে এতিয়া ভয়ংকৰ ৰূপ ধাৰণ কৰিছে। বনজুইৰ ফলত জীৱন্তে অগ্নিদগ্ধ হৈ মৃত্যু ৫০ কোটি বন্যজন্তু। মৃত্যু সৈতে বহু লোকৰ।

চাৰি মাহৰ আগতেই আৰম্ভ হৈছিল বনজুই, যিয়ে এতিয়া তীব্ৰতৰ ৰূপ ধাৰণ কৰিছে। ধ্বংস হৈছে বহু হাজাৰ গছ–গছনি। অগ্নিদগ্ধ গৈছে জীৱ–জন্তু, পক্ষী

ইউনিভাৰ্চিটী অৱ চিডনীয়ে অনুমান কৰিছে, ৫০ কোটি বন্য জীৱ–জন্তু মৃত্যু হৈছে। কেংগেৰু, স্তন্যপায়ী প্ৰাণী, ৰেংগন আৰু বিভিন্ন প্ৰজাতীৰ পক্ষী পৰিছে মৃত্যু মুখত।

ইতিমধ্যে বহু সংস্থাই জীৱ জন্তুৰ উদ্ধাৰ কৰিবলৈ চেষ্টা অব্যাহত ৰাখিছে। উল্লেখযোগ্য যে অষ্ট্ৰেলিয়াৰ এই বনাঞ্চলখন ১৫ মিলিয়ন একৰ ক্ষেত্ৰফলৰ।

দেশখনৰৰ দক্ষিণ–পূৱ প্ৰান্তত জুইৰ বাবে আঠ জন লোকৰ মৃত্যু হোৱাৰ খবৰ আহিছে।

ইতিমধ্যে সমগ্ৰ অঞ্চলতে অষ্ট্ৰেলিয়াৰ চৰকাৰে হাই এলাৰ্ট জাৰি কৰিছে। চৰকাৰ তথা বেচৰকাৰী সংস্থাৰ উদ্যোগত স্থানীয় আৱাসী, পৰ্যটক সকলকো নিৰাপদ স্থানলৈ নিবলৈ চেষ্টা কৰি থকা হৈছে।