Albatross Birds: হাজাৰ হাজাৰ চৰাইৰ বিবাহ বিচ্ছেদ! এই প্ৰজাতিৰ চৰাইৰ ভাঙি পৰিছে সংসাৰ, কাৰণৰ সন্ধানত বিজ্ঞানী

হাজাৰ হাজাৰ চৰাই ডিভোৰ্ছ। ইয়াৰ একমাত্ৰ কাৰণ জলবায়ু পৰিৱৰ্তন (Climate Change) নেকি? জলবায়ু পৰিৱৰ্তনে কেৱল মানুহৰ ওপৰতেই নহয় জীৱ-জন্তু আৰু চৰাইৰ ওপৰতো তীব্ৰ প্ৰভাৱ পেলায়। অধ্যয়ন অনুসৰি, বিজ্ঞানীসকলৰ মতে জলবায়ু পৰিৱৰ্তন এলবাট্ৰ'ছ (Albatross) প্ৰজাতিৰ চৰাইৰ বিবাহ বিচ্ছেদৰ কাৰণ হ'ব পাৰে। চৰাইৰ এই প্ৰজাতিটো সংগী বা সংগিনীৰ বাবে দায়বদ্ধ। কিন্তু এতিয়া হাজাৰ হাজাৰ চৰাইক সংগীহীন ৰূপত দেখা গৈছে। (ফটো-shutterstock)

এলবাট্ৰ'ছ হৈছে পৃথিৱীৰ আটাইতকৈ ডাঙৰ পাখিযুক্ত সামুদ্ৰিক চৰাই। ই সাধাৰণতে সাগৰীয় মাছ খাই জীয়াই থাকে। প্ৰশান্ত মহাসাগৰৰ উত্তৰত এই চৰাইবোৰ দেখা যায়। কোৱা হয় যে এই প্ৰজাতিৰ চৰাইবোৰে মানুহৰ দৰে সংগী বাছনি কৰে। তাৰ পিছত গোটেই জীৱন সংগীৰ সৈতে থাকে। সিহঁতৰ বিবাহ বিচ্ছেদো প্ৰায় মানুহৰ দৰেই। যদি দুয়োটাৰ যিকোনো এটাই আন এক সংগী বাছনি কৰে, আনজন আঁতৰি যায়। (ফটো-shutterstock)

যোৱা সপ্তাহত জাৰ্নেল অৱ দ্য ৰয়েল ছ'চাইটীত প্ৰকাশিত এক প্ৰতিবেদন অনুসৰি, সাগৰৰ পানী উষ্ণ হোৱাৰ ফলত এলবাট্ৰ'ছ চৰাইৰ জীৱন সলনি হৈ আছে। কাৰণ এনে অৱস্থাত মাছ ধৰাৰ বাবে সমস্যাৰ সন্মুখীন হৈছে চৰাইবোৰ। পাঁচগৰাকী বিজ্ঞানীয়ে এটা অধ্যয়নৰ পিছত কৈছিল যে এই প্ৰজাতিৰ চৰাইবোৰৰ মুখ্যতঃ মাছ ধৰাৰ বাবেই সংগী বা সংগিনীৰ সৈতে বিচ্ছেদ হৈছে।

দক্ষিণ আফ্ৰিকাৰ অকলেণ্ড দ্বীপত ২০০৩ চনত প্ৰায় ১৬,০০০ দম্পতীক দেখা গৈছিল। কিন্তু এতিয়া সেই সংখ্যা যথেষ্ট হ্ৰাস পাইছে। বেছিভাগ চৰায়ে অকলে ঘূৰি ফুৰে, মাছ চিকাৰ কৰে।

জলবায়ু পৰিৱৰ্তনে এলবাট্ৰ'ছ চৰাইৰ জীৱন চক্ৰক প্ৰভাৱিত কৰিছে, যাৰ বাবে তেওঁলোকে সংগী অবিহনে জীয়াই থাকিবলৈ আৰম্ভ কৰিছে। যি প্ৰজননকো প্ৰভাৱিত কৰিছে। ফলস্বৰূপে এই চৰাইবোৰৰ সংখ্যা হ্ৰাস পাইছে। বিজ্ঞানীসকলৰ মতে এটা চৰায়ে প্ৰজননত অক্ষম সংগীক এৰি যায়, পৰৱৰ্তী ঋতুত চৰাইটোৱে নতুন সঙ্গী বিচাৰি পায়। কিন্তু এতিয়া সংগীয়ে প্ৰজননক্ষম চৰাইকে এৰি গৈছে।

যোৱাবছৰৰ তুলনাত এইবাৰ এলবাট্ৰ'ছ চৰাইৰ পৃথকীকৰণৰ হাৰ আঠ শতাংশ বৃদ্ধি পাইছে। বিজ্ঞানীসকলে জলবায়ু পৰিৱৰ্তনৰ বাহিৰে ইয়াৰ আন কোনো কাৰণ আছে নেকি সেয়াও বিচাৰি আছে। প্ৰজনন ঋতুৰ সময়ত গৱেষকসকলে অকলেণ্ড দ্বীপত বহুতো চৰাইক এতিয়া অকলে বাস কৰা দেখিছে। যিটো চিন্তাৰ বিষয়।

ভাবি চাওক, আমি সাধাৰণ বুলি ভবা সাগৰৰ পানীৰ সামান্য উষ্ণতাই কিদৰে চৰাইৰ জীৱন প্ৰভাৱিত কৰি আছে। চৰাইৰ প্ৰজননৰ ওপৰতো ইয়াৰ প্ৰত্যক্ষ প্ৰভাৱ পৰিছে। বিশেষকৈ সাগৰীয় চৰাইৰ জীৱনত আমূল পৰিৱৰ্তন আহিবলৈ লৈছে।