Ayman Al Zawahiri : পেছাত এজন শল্য চিকিৎসক, যিয়ে বিন লাডেনক লগ পাইছিল আৰু আল-কায়দাৰ মুৰব্বী হৈছিল

কিছুমানে ভাবে যে জৱাহিৰি বুঢ়া আৰু অসুস্থ আছিল। যি সময়ত তেওঁ তালিবানৰ সৈতে আল কায়দাৰ অংশীদাৰিত্ব নবীকৰণৰ চেষ্টা কৰিছিল। আফগানিস্তানত তালিবানে নিয়ন্ত্ৰণ কৰাৰ পিছৰে পৰা আল কায়দাক লৈ আমেৰিকাৰ সন্দেহ বাঢ়ি আহিছে।

কাবুলৰ এই ঘৰটোত আমেৰিকাৰ ড্ৰ’ন আক্ৰমণত নিহত হৈছিল জাৱাহিৰি। সন্ত্ৰাসবাদী সংগঠনটোত যোগদান কৰা জৱাহিৰিয়ে কায়ৰোৰ এটা ধনী পৰিয়ালত ডাঙৰ-দীঘল হৈছিল। কম বয়সতে তেওঁ ইজিপ্তৰ উগ্ৰ ইছলামিক সম্প্ৰদায়ত যোগদান কৰিছিল আৰু ১৫ বছৰ বয়সতে অবৈধ মুছলিম ব্ৰাদাৰহুডত যোগদান কৰাৰ অভিযোগত গ্ৰেপ্তাৰ হৈছিল। সন্ত্ৰাসবাদৰ অপৰাধত ইজিপ্তত তিনি বছৰ কাৰাবাস খাটিছিল।

ইয়াৰ পিছতে জৱাহিৰিয়ে আফগানিস্তানত ওচামা বিন লাডেনৰ সৈতে লগ লাগে আৰু আল কায়দাৰ মুখ্য ৰণনীতিবিদ হয়। তেওঁ ওচামা বিন লাডেনৰ ব্যক্তিগত চিকিৎসকৰ ভূমিকাও পালন কৰিছিল।

বিন লাডেনৰ দৰেই ২০০১ চনৰ ১১ ছেপ্টেম্বৰত সংঘটিত আক্ৰমণৰ পিছত তেওঁ নিৰুদ্দেশ হৈছিল। তেওঁ বাৰে বাৰে কৰা আক্ৰমণৰ পৰা বাচি আছিল। ১৯৯৮ চনত আফ্ৰিকাত সংঘটিত আক্ৰমণৰ বাবে আমেৰিকাই তেওঁৰ মূৰৰ মূল্য ২৫ মিলিয়ন ডলাৰ ঘোষণা কৰিছিল।

আফগান-পাকিস্তান সীমান্তৰ আশে-পাশে বেছিকৈ দেখা গৈছিল জৱাহিৰিক। বিশ্বাস কৰা হৈছিল যে তেওঁ ইছলামিক ষ্টেটৰ তত্ত্বাৱধানত আছিল। আল কায়দাৰ ক্ষমতা হ্ৰাস পোৱাৰ পিছতো য়েমেন, আফ্ৰিকা আৰু পূব এছিয়াত জৱাহিৰি আৰু আল কায়দাক নিৰাপত্তাজনিত ভাবুকি হিচাপে গণ্য কৰা হৈছিল।

জৱাহিৰিক বিন লাডেনৰ দৰে ৯/১১ আক্ৰমণৰ পুনৰাবৃত্তি কৰিবলৈ সক্ষম বুলি গণ্য কৰা হোৱা নাছিল। তথাপি তেওঁ আমেৰিকাৰ বাবেও সমানেই বিপদজনক আছিল। তালিবানে আফগানিস্তান দখল কৰাৰ ফলত আল কায়দাৰ এক শক্তিশালী ভৱিষ্যতৰ আশাৰ সঞ্চাৰ হ’ল৷ জুলাই মাহত ৰাষ্ট্ৰসংঘৰ এক প্ৰতিবেদনত কোৱা হৈছিল যে শেহতীয়াকৈ জৱাহিৰিয়ে তালিবান প্ৰশাসনত অনুপ্ৰৱেশ কৰাৰ ক্ষমতা প্ৰদৰ্শন কৰিছে।