Taliban Rehab Center: তালিবান ৰিহ্যাব চেণ্টাৰত মানুহৰ মাংস খাইছে মানুহে! ভয়ংকৰ অৱস্থা

তালিবানে আফগানিস্তান দখল কৰাৰ পিছৰ পৰাই পৰিস্থিতি দিনে দিনে বেয়াৰ ফালে ঢাল খাইছে। হাস্পতালৰ পৰা আৰম্ভ কৰি স্কুল পৰ্যন্ত সকলো ঠাইতে দুৰ্দশা। নিচাশক্ত লোকক নিচাজাতীয় দ্ৰব্যৰ পৰা পৰিত্ৰাণ দিবলৈ তালিবানে পুনৰ্বাসন কেন্দ্ৰ স্থান কৰিছিল। হাজাৰ হাজাৰ মানুহ ভৰ্তি হ'ল যদিও ইয়াৰ অৱস্থা ইমানেই বেয়া যে, মানুহে মানুহৰ মাংস খোৱা আৰম্ভ কৰিছে।

ডেইলী মেইলৰ প্ৰতিবেদন অনুসৰি, যোৱা মাহত এজন সাংবাদিকৰ সৈতে হোৱা কথা বতৰাৰ সময়ত  হাস্পতালত থকা এজন লোকে কৈছিল যে, তেওঁলোকৰ মাজৰ এজনক হত্যা কৰি দেহ পুৰি পেলোৱা হৈছিল। আৰু শৰীৰৰ অংশ বোৰ খাই পেলাইছিল।

আব্দুল নামৰ এজন বন্দী লোকে কৈছে- ৰোগীসকলৰ ক্ষুধা এটা সাধাৰণ ঘটনাৰ দৰে হৈ পৰিছে। সেইকাৰণে বহুলোকৰ মৃত্যু হৈছে। একাংশ ৰোগীৰ ডিঙি কাটি খাই পেলোৱা হৈছিল।

ৰাষ্ট্ৰসংঘৰ প্ৰতিবেদনত কোৱা হৈছে যে,, আফগানিস্তান বিশ্বৰ বৃহত্তম অবৈধ আফিম আৰু হেৰোইন সৰবৰাহকাৰী। ২০১৭ চনত আফগানিস্তানে অকলেই বিশ্বৰ ৮০ শতাংশতকৈ বেছি ঔষধ সৰবৰাহ কৰিছিল। চলিত বছৰত ১.৪ বিলিয়ন ডলাৰ ঔষধৰ লেনদেন কৰিছে।

জাতিসংঘৰ ড্ৰাগছ এণ্ড ক্ৰাইম অফিচৰ কাবুল অফিচৰ প্ৰধান চিজাৰ ঔডছে ৰয়টাৰ্ছক কৈছে, তালিবানে তেওঁলোকৰ আয়ৰ অন্যতম উৎস হিচাপে আফগান আফিম ব্যৱসায়ৰ ওপৰত নিৰ্ভৰ কৰে। বেছি উৎপাদনৰ বাবে ঔষধ সস্তা হৈছে আৰু বেছি মানুহৰ কাষত পাইছেগৈ।