World News: মাছ মাৰি‍বলৈ গৈ এয়া কি পালে সাগৰত, যাৰ দাম উঠিল ১১ কোটিলৈ, সোণ-হীৰাৰ দৰে মূল্যৱান এয়া কি?

তেওঁ আনদিনাৰ দৰে সাগৰত মাছ ধৰিবলৈ গৈছিল, কিন্তু সেই দিনটো আছিল এক বিশেষ দিন, যিয়ো কঢ়িয়াই আনিছিল তেওঁলৈ সৌভাগ্য। সাগৰত থাইলেণ্ডৰ মাছমৰীয়া নাৰাং ফেটচাৰাজে মাছমাৰিবলৈ গৈ জলজ 'গুপ্ত ধন' বিচাৰি পাইছিল, যিয়ে তেওঁক নিমিষতে ১১ কোটি টকাৰ গৰাকী কৰি তুলিছিল।

নাৰাঙে সদায়ে সাগৰত মাছ ধৰিবলৈ গৈছিল। আৰু উভতি যাওঁতে তেওঁ চুৰাট থানি প্ৰদেশৰ নিওম সমুদ্ৰত এটা শিলসদৃশ বস্তু পাইছিল। কিন্তু বস্তুটোৰ বিষয়ে তেওঁৰ কোনো ধাৰণা নাছিল। এই বস্তুটোত তেওঁ মমৰ দৰে পদাৰ্থ দেখিবলৈ পাইছিল। আৰু তেতিয়াই তেওঁ অনুভৱ কৰিছিল যে ই তিমিৰ বমি হ'ব পাৰে।

বিশেষজ্ঞসকলৰ মতে ইয়াক এম্বাৰগ্ৰিছ বুলি কোৱা হৈছিল। ই হৈছে মুখ্যতঃ স্পাৰ্মৰ দৰে, তিমি মাছৰ বমি, যি হিমায়িত হয় আৰু ক্ৰমান্বয়ে জঠৰ হৈ পৰে আৰু সাগৰত ভাহি থাকে।

ইয়াৰ পিছতে তেওঁ প্ৰিন্স অৱ চোংক্লা বিশ্ববিদ্যালয়ৰ বিশেষজ্ঞসকলৰ ওচৰলৈ গৈছিল। ভাবিছিল এয়া মূল্যৱান হেতুকে কোনো ধন পাব পাৰে। আৰু বিশেষজ্ঞসকলে ইয়াক পৰীক্ষা কৰাৰ পিছত তেওঁক কৈছিল যে এইটো সামান্য পৰিমাণৰ ধনৰ বস্তু নহয়। নাৰাঙে তিমিৰ অমূল্য বমি লাভ কৰিছিল। এই বস্তুটোৰ মূল্য প্ৰায় এক মিলিয়ন পাউণ্ড।

নাৰাঙে পোৱা এম্বাৰগ্ৰিছৰ ওজন ৩০ কিলোগ্ৰাম আছিল। ইয়াৰ বাবদ তেওঁ ১১ কোটি টকা লাভ কৰে। উল্লেখ্য, এয়া সোণ বা হীৰা নহ'লেও তিমিৰ এই বমিক এইপ্ৰকাৰ 'সামুদ্ৰিক সোণ' বুলি কোৱা হয়। যিটো প্ৰকৃত সোণতকৈ বহুত বেছি মূল্যৱান।