PUBG খেলাকলৈ হোৱা অশান্তিৰ চৰম পৰিণতি! এগৰাকী ১৫ বছৰীয়া কিশোৰক ধৰ্ষণ কৰি হত্যা। এই নৃশংস ঘটনাতো সংঘটিত হৈছে পাকিস্তানৰ লাহোৰৰ ৰাইউণ্ড প্ৰদেশত। সংবামাধ্যম Geo Newsৰ প্ৰকাশিত বাতৰি অনুসৰি, কিশোৰজনৰ সৈতে খেলি থকাৰ মাজতে তৰ্কা-তৰ্কি হৈছিল বন্ধুৰ। আৰু মৃত কিশোৰজনে তেতিয়াই বন্ধুজনক ব্লক কৰি দিয়ে। প্ৰথমিক তদন্তৰ অন্তত আৰক্ষীৰ অনুমান, বন্ধুৰ প্ৰতি চৰম আক্ৰোশ মূলক আচৰণ কৰি এই কাণ্ড সংঘটিত কৰিলে মূল অভিযুক্তই। আৰক্ষীয়ে ঘটনাৰ সন্দৰ্ভত মূল অভিযুক্ত সহ ৪ জনক গ্ৰেপ্তাৰ কৰিছে। পাকিস্তানৰ সংবাদ সংস্থাৰ ফালৰ পৰা জানিব পৰা মতে, ১৩ জানুৱাৰীত কিশোৰজনক অপহৰণ কৰা হৈছিল। পিছত কিশোৰজনৰ পৰিয়ালৰ লোক আৰক্ষীৰ কাষ চাপে। আৰক্ষীয়ে তাৰ পিছতে কিশোৰজনৰ সন্ধানত অভিযান আৰম্ভ কৰে আৰু শেখপুৰা অঞ্চলৰ পৰা কিশোৰজনৰ মৃতদেহ উদ্ধাৰ কৰে। ধৰ্ষণ কৰি হত্যা কৰা হয় কিশোৰজনক। বৰ্তমান আৰক্ষীয়ে মৃত কিশোৰজনৰ ডি এন এৰ নমুনা সংগ্ৰহ কৰিছে। সেই নমুনা ফৰেনশ্যিকলৈ প্ৰেৰণ কৰা হৈছে।
