Ranveer Singh : এসময়ত বলীউদত কেৰিয়াৰ বনাবলৈ দিয়া নাছিল এইজন অভিনেতাক, আজি নিজৰ ছবিত তেওঁকেই বিচাৰে কৰণে!

২০১০ত বেণ্ড বাজা বাৰাত ছবিৰে বলীউদৰ কেৰিয়াৰ আৰম্ভ কৰিছিল ৰণবীৰ সিঙে (Ranveer Singh)। ইণ্ডাষ্ট্ৰীত বহু সমালোচনা হৈছে ৰণবীৰক লৈ। এতিয়া সেইজন অভিনেতাই নামী পৰিচালকসকলৰ লগতে কৰণ জোহৰ (Karan Johar)ৰ নয়নৰ মণি। Photo : Collected

এটা সময়ত কৰণ জোহৰে ৰণবীৰক বিশেষ গুৰুত্ব দিয়া নাছিল। শুনা যায় যে যশ ৰাজ ফিল্মছ (Yash Raj Films)ৰ কাৰ্যালয়ত অভিনেতাজনক দেখি পছন্দ হোৱা নাছিল কৰণ জোহৰৰ। ২০১০ৰ কফি উইথ কৰণ শ্ব’ত সেই কথা নিজেই স্বীকাৰ কৰিছিল কৰণে।

পৰিচালকজনে কৈছিল, ‘‘আদিত্য চোপ্ৰাৰ সৈতে যশ ৰাজ ফিল্মছৰ কাৰ্যালয়ত এদিন মধ্যাহ্ন ভোজনলৈ গৈছিলো, সেই সময়ত দেখিলো এজন কম বয়সীয়া ল’ৰাই টেবুল টেনিছ খেলিছিল। মই তেওঁক দেখি ভাৱিছিলো কোনো সহকাৰী পৰিচালক হ’ব পাৰে, কিন্তু আদিত্যই সেই ভুল ভাঙি দিয়ে, তেওঁ জনায় যে বেণ্ড বাজা বাৰাতৰ নায়ক তেওঁ, নাম ৰণবীৰ।

মই তেতিয়া আদিত্যক কৈছিলো এয়া কেনেকুৱা ল’ৰা তুমি পছন্দ কৰিছা? আদিত্যই কৈছিল – ল’ৰাজন ভাল অভিনেতা, তেওঁ কিমান ভাল সেই সম্পৰ্কে আপোনাৰ কোনো ধাৰণা নাই। মই কৈছিলো, তাতে একো আহে নাযায়, কিন্তু ল’ৰাজন দেখিবলৈ নায়কসুলভ নহয়, মই বেণ্ড বাজা বাৰাতৰ পোষ্টাৰ দেখিও উপহাস কৰিছিলো। কিন্তু মই ভুল ভাৱিছিলো। বেণ্ড বাজা বাৰাত মুক্তি পোৱাৰ পিছত মই বুজি পাইছিলো এই ল’ৰাজনে কিমান নাম কৰিব। ইয়াৰ পিছতে নিজকে বুৰ্বক যেন লাগিছিল মোৰ।’’