শীঘ্ৰে বজাৰলৈ আহিব Appleৰ iPhone 14। হাতত আৰু মাত্ৰ কেইটামান দিন। জনা গৈছে, ছেপ্টেম্বৰৰ ৭ তাৰিখে লঞ্চ হ’ব iPhoneৰ নতুন ছিৰিজ। কিন্তু তাৰ পূৰ্বে iPhone প্ৰেমীসকলৰ বাবে ভাল খবৰ। নতুন iPhone বজাৰলৈ অহাৰ পূৰ্বে হ্ৰাস কৰা হৈছে পুৰণি মডেলৰ দাম। জনপ্ৰিয় ই–কমাৰ্চ প্ৰতিষ্ঠান Flipkartত পুৰণি iPhone পোৱা যাব খুব কম দামত। iPhoneৰ যিবোৰ মডেলৰ দাম কমোৱা হৈছে, তাৰ ভিতৰত আছে iPhone 13, iPhone 12 আৰু iPhone 11। Flipkartত iPhone 13 পোৱা গৈছে মাত্ৰ ৬৫,৯৯৯ টকাত। iPhone 13ৰ আচল দাম ৭৯,৯৯৯ টকা। অৰ্থাৎ ১৪,০০০ টকা কমত পোৱা গৈছে এই ফোনটো। এই অফাৰ পোৱা যাব iPhone 13ৰ ১২৮ জিবি ষ্ট’ৰেজ মডেলৰ সকলো ৰঙৰ বিকল্পৰ বাবে। ইয়াৰ উপৰি গুৰুত্বপূৰ্ণ বিষয়টো হ’ল গ্ৰাহসকলে পৃথকভাৱে iPhone 13ত পাব এক্সচেঞ্জ আৰু বেংক অফাৰৰ সুবিধা। Flipkartত iPhone 13ৰ ওপৰত এক্সচেঞ্জ অফাৰ পোৱা যাব ১৯,০০০ টকাৰ। ফ্লিপকাৰ্টত iPhone13ৰ ওপৰত পোৱা গৈছে আন সুবিধাও। ষ্টেট বেংক অব ইণ্ডিয়াৰ মাষ্টাৰকাৰ্ড ডেবিট কাৰ্ডৰ জৰিয়তে iPhone 13 কিনিলে ১০ শতাংশ ৰেহাই লাভ কৰিব। ইয়াৰ উপৰি এইচডিএফচি ক্ৰেডিট কাৰ্ডৰ জৰিয়তে ফ্লিপকাৰ্ডত iPhone 13ৰ ওপৰত পোৱা যাব ১০০০ টকাৰ ৰেহাই। ইয়াৰ উপৰি iPhone 12ৰ ৬৪ জিবি মডেল পোৱা যাব মাত্ৰ ৫৯,৯৯৯ টকাত। জনপ্ৰিয় ই–কমাৰ্চ প্ৰতিষ্ঠান Flipcartত iPhone 12ৰ ১২৮ জিবি মডেল পোৱা যাব মাত্ৰ ৬৪,০০০ টকাত। ইয়াৰ বাহিৰেও এই আইফোনত এক্সচেঞ্জ অফাৰ পোৱা গৈছে ১৭,০০০ টকাৰ। ষ্টেট বেংক অব ইণ্ডিয়াৰ কাৰ্ডৰ জৰিয়তে iPhone 12 কিনিলে ১০ শতাংশ ৰেহাই পোৱা যাব। Flipkartত iPhone 11ৰ ১২৮ জিবি মডেল পোৱা যাব মাত্ৰ ৪৬,৯৯৯ টকাত। ৬৪ জিবি মডেল পোৱা যাব মাত্ৰ ৩৯,৯৯৯ টকাত। জনপ্ৰিয় ই–কমাৰ্চ প্ৰতিষ্ঠান ফ্লিপকাৰ্টত iPhone 11ৰ ওপৰত এক্সচেঞ্জ অফাৰ পোৱা যাব ১৬,০০০ টকাৰ।
4 ফটো
