Chandrayaan-2 : চন্দ্ৰপৃষ্ঠত উৰিব ত্ৰিৰংগা! ফটোত চাওক চন্দ্ৰযান–২ৰ ঐতিহাসিক মুহূৰ্ত

চন্দ্ৰলৈ ISROৰ দ্বিতীয়টো অভিযান Chandrayaan-2। ২২ জুলাইৰ দুপৰীয়া ২.৪৩ বজাত দেশৰ আটাইতকৈ শক্তিশালী বাহুবলী ৰকেট GSLV-MK3ৰ দ্বাৰা উৎক্ষেপন কৰা হয় চন্দ্ৰযান–২।

চন্দ্ৰযান–২ৰ সফল উৎক্ষেপণৰ পিছত ISROৰ মুৰব্বী কে শিৱনে কয় যে এই সফলতাক লৈ আমি অত্যন্ত সুখী। এয়া চন্দ্ৰক লৈ এক ঐতিহাসিক অভিযানৰ আৰম্ভণি। বিজ্ঞানীসকলৰ কঠোৰ পৰিশ্ৰমৰ বাবেই এই সফলতা পোৱা গৈছে। তেওঁ কয় যে কিছুদিনৰ ভিতৰতে চন্দ্ৰপৃষ্ঠত ত্ৰিৰংগা উৰুৱাব।

ISRO–এ চন্দ্ৰযান–২ৰ যাত্ৰা ৬ দিন হ্ৰাস কৰিছে। ৫৪ দিনৰ পৰা ৪৮ দিনলৈ হ্ৰাস কৰিছে যাত্ৰাৰ সময়। ৭ ছেপ্টেম্বৰত চন্দ্ৰত অৱতৰণ কৰিব চন্দ্ৰযান–২।

চন্দ্ৰৰ দক্ষিণ মেৰুত অৱতৰণ কৰিব চন্দ্ৰযান–২ৰ ৰ’ভাৰ। দক্ষিণ মেৰুত মহাকাশ যান অৱতৰণ কৰোৱা ভাৰত হ’ব প্ৰথমখন দেশ।

চন্দ্ৰৰ দক্ষিণ মেৰুৰ এটা বৃহৎ অংশ উত্তৰ মেৰুৰ তুলনাত অধিক অন্ধকাৰত থাকে। বৈজ্ঞানিকসকলে এই অংশত পানী থকাৰ সম্ভাৱনাও প্ৰকাশ কৰিছে।

চন্দ্ৰযান–২ চন্দ্ৰত অৱতৰণ কৰাৰ পিছত ভাৰতে এনেকুৱা মূল্যৱান শক্তিৰ সন্ধান কৰিব পাৰিব যাৰ জৰিয়তে ৫০০ বছৰ পৰ্যন্ত মানুহৰ প্ৰয়োজন পূৰণ কৰিব পৰা যাব! ইয়াৰ পৰা ভাৰতে বৃহৎ পৰিমাণৰ অৰ্থ উপাৰ্জনো কৰিব পাৰে। চন্দ্ৰৰ পৰা লাভ কৰিবলগা এই শক্তি কেৱল সুৰক্ষিতই নহয়, তেল, কয়লা আৰু পৰমাণু আৱৰ্জনাৰ পৰা হ’বলগীয়া প্ৰদূষণৰ পৰাও মুক্ত হ’ব।

ষ্টিফেন হকিঙে এবাৰ কৈছিল – মই ভাবো মহাকাশত যোৱাৰ বাদে মানৱ প্ৰজাতিৰ কোনো ভৱিষ্যৎ নাই। বিশ্ব ব্ৰহ্মাণ্ডৰ সকলো পিণ্ডৰ ভিতৰত চন্দ্ৰ আমাৰ আটাইতকৈ ওচৰত আছে। ইয়াৰ ওপৰত আৰু অধিক গভীৰ অভিযানৰ বাবে প্ৰয়োজনীয় প্ৰযুক্তিৰ অধিক সহজতে পৰীক্ষণ হ’ব পাৰে।

চন্দ্ৰযান–২ৰ ওজন ৩.৮ টন, যিটো আঠটা প্ৰাপ্তবয়স্ক হাতীৰ ওজনৰ প্ৰায় সমান হ’ব। ইয়াত ১৩টা ভাৰতীয় পেলোডত ৮টা অৰ্বিটাৰ, ৩টা লেণ্ডাৰ আৰু ২খন ৰ’ভাৰ আছে।

GSLV MK III M-1 ৰকেটে চন্দ্ৰযান–২ মহাকাশ যান পৃথিৱীৰ কক্ষপথত সফলভাৱে স্থাপন কৰিবলৈ সক্ষম হৈছে।