WhatsApp: ডিলিট হৈ গ’ল নেকি প্ৰয়োজনীয় WhatsApp মেছেজ? এই পদ্ধতিৰে আনিব পাৰিব ঘূৰাই!

এই পদ্ধতিৰে সহজতে ঘূৰাই আনিব পাৰিব WhatsAppৰ ডিলিট হৈ যোৱা সকলো মেছেজ। কিন্তু তাৰ পূৰ্বে মানি চলিব লাগিব কেইটামান নিয়ম। আগৰে পৰা আপোনাৰ ফোনৰ WhatsAppত যদি সেই পদ্ধতি সক্ৰিয় হৈ থাকে, তেতিয়াহে আপুনি ঘূৰাই পাব ডিলিট হোৱা মেছেজ।

বহুতৰে ক্ষেত্ৰত দেখা যায়, বহু সময় কোনো কাৰণত ডিলিট হৈ যায় সকলো মেছেজ। বহু চেষ্টা কৰিও সেই মেছেজ ঘূৰাই আনিব নোৱাৰি। সেই বিষয়ে নিশ্চয়তা পাবলৈ আপুনি প্ৰথমে সক্ৰিয় কৰিব লাগিব চাট বেকআপ অপচনটো, যিটো পোৱা যাব হোৱাট্ছএপৰ ছেটিংছত। সেয়া আপুনি দৈনিক, সাপ্তাহিক বা মাহিলি বেকআপৰ নিয়মত নিৰ্দিষ্ট কৰিব পাৰে।

এনড্ৰইড ব্যৱহাৰকাৰীসকলৰ ক্ষেত্ৰত WhatsApp > Settings > Chats > Chat Backup অপচনত যাব লাগিব। এইক্ষেত্ৰত একে পদ্ধতিত চাব লাগিব কিমান দিনৰ বেকআপ আছে, সেয়া চাই এবাৰ আনইনষ্টল কৰি আৰু এবাৰ ইনষ্টল কৰিব লাগিব এপটো। কিন্তু আগৰ দৰে ইয়াতো গুগল একাউণ্ট থকাটো প্ৰয়োজনীয়।

আইনফোন ব্যৱহাৰকাৰীসকলৰ ক্ষেত্ৰত WhatsApp > Settings > Chats > Chat Backup, এইদৰে এটাৰ পিছত আনটো অপচনলৈ গৈ ইয়াক অন কৰিব লাগিব। যদি দেখে যে আপোনাৰ এই অপচনটো অন কৰা আছে, তেন্তে বুজিব আপোনাৰ চাট বেকআপ আছে। তাত গি আপুনি চাওক কিমানদিন পৰ্যন্ত বেকআপ লোৱা আছে। সেইটো চাই হোৱাট্ছএপ আনইনষ্টল কৰি আকৌ ইনষ্টল কৰক। চাব পাৰিব আপোনাৰ ডিলিট হোৱা চাট।

ফাইল মেনেজাৰৰ মাধ্যমেৰেও আপুনি লোকেল ষ্ট’ৰেজ বা এছডি কাৰ্ডৰ ষ্ট’ৰেজতো আপোনাৰ যাৱতীয় চাটৰ তথ্য জমা কৰি ৰাখিব পাৰে। এই বেকআপৰ সাতদিনৰ বাবে থাকে। প্ৰতিদিনে নিশা ২ বজাত এই বেকআপ জমা হয়।