Bluetooth Name: ক’ৰ পৰা আহিল ব্লুটুথৰ নাম, চিহ্নটো এনেকুৱা কিয়? জানেনে এই ৰহস্য?

ব্লুটুথ হ’ল ম’বাইল, কম্পিউটাৰ আৰু অন্যান্য ইলেকট্ৰনিক ডিভাইচৰ স্বল্প–পৰিসৰৰ মাজত সংযোগৰ এক প্ৰযুক্তি। সমগ্ৰ বিশ্বৰ অধিকসংখ্যক ম’বাইল ফোন ব্যৱহাৰকাৰীয়ে এই কথা জানে। এয়া এনে এক প্ৰযুক্তি যিয়ে লাখ লাখ মানুহক অলপ দূৰত্বৰ ডিভাইচসমূহৰ মাজত দ্ৰুত ডিজিটেল ডাটা স্থানান্তৰ কৰাত আৰু মাত্ৰ কেইটামান ছেকেণ্ডৰ ভিতৰতে আন ডিভাইচৰ সৈতে সংযোগ কৰিবলৈ সক্ষম কৰিছে।

ব্লুটুথ দুই দশক পূৰ্বে আৱিষ্কৃত হৈছিল আৰু ইয়াৰ লগ’টো ইয়াৰ ব্যাপক ব্যৱহাৰৰ কাৰণে সংযোগৰ এটা সাৰ্বজনীন চিহ্ন হৈ পৰিছে। যদি ‘বি’ আখৰৰ দৰে দেখাত আইকনিক লগ’টো চিনাক্ত কৰা খুব সহজ, আমি বহুতেই নাজানো যে নক্সা আৰু ইয়াৰ নামৰ আঁৰত এক অৰ্থ আছে।

লগ’টোৰ অৰ্থ সম্প্ৰতি Bluetooth.comত বাখ্যা কৰা হৈছে। আমি সকলোৱে ব্লুটুথ ব্ৰেণ্ড চিনি পাওঁ, ইয়াৰ তাৎপৰ্যও বুজি পাওঁ। স্মাৰ্টফোনৰ পৰা হেডফোন সংযোগৰ বাহিৰেও ব্লুটুথ প্ৰযুক্তিৰ ওপৰত আমি নিৰ্ভৰ কৰো।

নামটো আচলতে সংক্ষিপ্ত ৰূপ নহয়। এয়া আচলতে ৰাজা হেৰল্ড ‘‘ব্লুটুথ’’ গোৰ্মছনৰ এক সহস্ৰাব্দৰো অধিক সময় আগৰ এটা প্ৰতীক। প্ৰযুক্তিটোৰ সৈতে ইয়াৰ কোনো যোগ নাই। ৯৫৮ চনত ডেনমাৰ্ক আৰু নৰৱেক ঐক্যবদ্ধ কৰাৰ বাবে সুপৰিচিত আছিল তেওঁ। তেওঁৰ মৃত্যুৰ পিছত তেওঁৰ দাঁত নীলা ৰঙত পৰিণত হৈছিল, তেতিয়াৰে পৰা ব্লুটুথ শব্দৰ উৎপত্তি।

ব্লুটুথ ৱায়াৰলেছ স্পেচিফিকেচন ডিজাইনটো ১৯৯৭ চনত ৰজাৰ নামেৰে নামকৰণ কৰা হৈছিল, এটা সাদৃশ্যৰ ওপৰত ভিত্তি কৰি এই প্ৰযুক্তিয়ে ডিভাইচসমূহক একত্ৰিত কৰিব যিদৰে হেৰল্ড ব্লুটুথে ডেনমাৰ্কৰ উপজাতিসকলক একক ৰাজ্যত একত্ৰিত কৰিছিল।