দেশক বিশ্বকাপ উপহাৰ দিছে। কিন্তু আইপিএত বহি বহিয়ে সময় কটাইছে তেওঁলোকে। আয়ুষ বাদোনি, উমৰান মালিক, জীতেশ শৰ্মাই খেলাৰ সুযোগ পাইছে। কিন্তু অনূৰ্ধ্ব–১৯ ভাৰতীয় দলত খেলা বহু তাৰকাই আইপিএলত এতিয়াও খেলাৰ সুযোগ পোৱা নাই। য়শ ধুলৰ দৰে তাৰকাই আইপিএল ২০২২ত মেচ খেলাৰ সুযোগ পোৱা নাই। অনূৰ্ধ্ব–১৯ ভাৰতীয় দলৰ বিশ্বজয়ী অধিনায়ক তেওঁ। যুৱ বিশ্বকাপত চাৰিখন মেচত ২২৯ ৰান কৰিছিল। দিল্লী কেপিটেলছে তেওঁক ৫০ লাখ টকাত দলত চুক্তিবদ্ধ কৰিছিল। ৰাজ্যবৰ্ধন হেংগৰগেকৰেৰ ভাৰতৰ অনুৰ্ধ্ৱ–১৯ দলৰ বিশ্বকাপত জয়ত গুৰুত্বপূৰ্ণ অৱদান আছিল। টুৰ্ণামেণ্টত ৫টা উইকেট লৈছিল। চেন্নাই ছুপাৰ কিংছে তেওঁক ৩০ লাখ টকাত দলত লৈছিল। ২৫২ ৰান, লগতে ৯ উইকেট। অনূৰ্ধ্ব–১৯ বিশ্বকাপত তাণ্ডৱ চলাইছিল ৰাজ বাবাই। ২০ লাখ টকাত এইগৰাকী অলৰাউণ্ডাৰক দলত লৈছিল পঞ্জাব কিংছে। কিন্তু আইপিএল ২০২২ত তেওঁক মাত্ৰ দুখন খেল খেলিবলৈ দিছে। এখন মেচত তেওঁ খাটা খুলিব নোৱাৰিলে। আন এখনত ১১ ৰান কৰিছিল। অনীশ্বৰ গৌতমক আৰচিবি দলে কিনিছিল ২০ লাখ টকাত। বিশ্বকাপ জয়ী ভাৰতৰ অনূৰ্ধ্ব–১৯ দলৰ সদস্য আছিল গৌতম। আইপিএল ২০২২ত বেঞ্চত বহিয়ে কটাইছে অনীশ্বৰে। বিকি ওস্তৱাল বাওঁহতীয়া স্পীনাৰ। অনূৰ্ধ্ব–১৯ বিশ্বকাপত ভাৰতৰ হৈ সৰ্বোচ্চ ১২টা উইকেট লৈছিল। দিল্লী কেপিটেলছে তেওঁক ২০ লাখ টকাত দলত লৈছিল। অক্ষৰ পেটেলৰ সলনি তেওঁক এখন মেচো খেলিবলৈ দিয়া নাই দিল্লীয়ে।
