Wimbledon 2022: পিতৃ–মাতৃৰ সন্মুখতে ২১সংখ্যক গ্ৰেণ্ডশ্লাম জয় নভাক জকোভিচৰ

৩০ বছৰ আগৰ কথা। ১৯৯২ চন। টিভিত প্ৰথমবাৰৰ বাবে উইম্বলডন খিতাপ দখল কৰা পিট ছাম্প্ৰাছক দেখি জ’কভিচে টেনিছৰ প্ৰেমত পৰিছিল। ছাৰ্বিয়াৰ এখন সৰু পাহাৰীয়া গাঁৱৰ ল’ৰা নোভাক জ’কভিচৰ পিতৃয়ে টেনিছৰ ৰেকেট এখন কিনি দিছিল। তেতিয়াৰ পৰা তেওঁৰ দুচকুত সপোন।

একেৰাহে চাৰিবাৰকৈ উইম্বলডনত জয়লাভ। ২১ সংখ্যক গ্ৰেণ্ডশ্লাম। আৰু সকলো ঘটিল মাক-দেউতাক, পত্নীৰ সন্মুখত। উইম্বলডনৰ সাত নম্বৰ খিতাপ দখল কৰাৰ পিছত নোভাক জ’কভিচে নিজৰ চকুলো ৰোধ কৰিব নোৱাৰিলে।

জোকোৱে পিট ছাম্প্ৰাছক স্পৰ্শ কৰিলে, যাক দেখি তেওঁ টেনিছৰ প্ৰেমত পৰিছিল। তেওঁ ৭ বাৰ উইম্বলডন জয়লাভ কৰিছিল, জোকভিচেও সাতবাৰ। আজিৰ জয় হয়তো জ’কভিচৰ বাবে অলপ বেছি বিশেষ।

ফাইনেলত জকোভিচে নিক কিৰ্গিয়াছৰ চাবুকৰ দৰে বেকহেণ্ড চম্ভালিছিল। গোটেই সময় তেওঁ শান্ত হৈ থাকিল। বুজাই দিলে, অভিজ্ঞতাই শেষ কথা। মেচখনৰ শেষত তেওঁ ক’ৰ্টত শুই দুয়োখন হাত মেলি ধৰিলে। এয়াই আছিল তেওঁৰ সফলতাৰ প্ৰকাশ। ইয়াৰ পিছত তেওঁ চকীখনত বহি টাৱেলত মুখ লুকুৱাই কান্দিলে! আনন্দৰ চকুলো কাকো দেখিবলৈ নিদিলে।

পিতৃ-মাতৃ, পত্নীৰ সন্মুখত ইমান ডাঙৰ জয়। দেউতাকে পাহাৰীয়া গাঁও এখনত ৰেষ্টুৰেণ্ট চলাইছিল। ল’ৰাটোৰ টেনিছৰ চখ দেখি তেওঁ যৎপৰোনাস্তি চেষ্টা কৰিছিল। জকোভিচৰ হয়তো সেইবোৰ কথা মনত পৰিছিল!

৩২ সংখ্যক গ্ৰেণ্ডশ্লামৰ ফাইনেলত নামিছিল জকোভিচ। যোৱা জানুৱাৰী মাহতে আহিব লাগিছিল ২১ সংখ্যক খিতাপ। অৱশ্যে তেওঁ কোৰোণা ভেকচিন নোলোৱাৰ বাবে থমকি আছিল। তেওঁ অষ্ট্ৰেলিয়ান অ’পেনত খেলিব পৰা নাছিল। তাৰ পিছত ফ্ৰেন্স অ’পেনৰ কোৱাৰ্টাৰ ফাইনেলত পৰাজয়। অৱশেষত উইম্বলডনত ছাৰ্বিয়ান তাৰকাগৰাকীৰ অপেক্ষাৰ অন্ত পৰিল।