IND vs AFG: আফগানিস্তানৰ হাতত কোনো দিন পৰাস্ত হোৱা নাই ভাৰত, আজি পৰাস্ত হ'লে শেষ হ'ব কোহলী বাহিনীৰ সকলো আশা

পৰিসংখ্যাই কৈছে যে, এদিনীয়া ক্ৰিকেটেই হওক বা টি২০ ক্ৰিকেটেই হওক, আফগানিস্তানৰ হাতত কোনো দিন পৰাস্ত হোৱা নাই ভাৰত। এই পৰিসংখ্যা শুনাৰ পিছত বহুতে কৈছে- বিশ্বকাপত পাকিস্তানৰ হাততো কোনো দিন পৰাস্ত হোৱা নাছিল টিম ইণ্ডিয়া। কিন্তু সেই ৰেকৰ্ডটো অক্ষুন্ন নাথাকিল।  গতিকে আজিযে ৰাজিদ খানৰ বিৰুদ্ধে কোহলী বাহিনী জিকিব, তাৰ গেৰাণ্টী ক'ত!

চলিত টি২০ বিশ্বকাপত পাকিস্তান আৰু নিউজিলেণ্ডৰ বিৰুদ্ধে অতি দুৰ্বল প্ৰদৰ্শন আগবঢ়াইছে টিম ইণ্ডিয়াই।  ফলত এইবাৰ বিশ্বকাপত টিম ইণ্ডিয়াই ছেমি ফাইনেল খেলাৰ বিশেষ আশা নাই।  তথাপিও আজি আফগানিস্তানৰ বিৰুদ্ধে জিকিলে আৰু নিউজিলেণ্ডক স্কটলেণ্ডে পৰাস্ত কৰিলে, কিছু আশা বাচি থাকিব কোহলীৰ নেতৃত্বাধীন দলটোৰ।

ইয়াৰ পূৰ্বে ২০১০ৰ টি২০ বিশ্বকাপত আফগানিস্তানক ৭ উইকেটত পৰাস্ত কৰিছিল ভাৰতে। তাৰ পিছত ২০২১ৰ বিশ্বকাপতো আফগানিস্তানক হৰুৱাইছিল টিম ইণ্ডিয়াই। ২০১৯ৰ বিশ্বকাপত ১১ ৰানত জিকিছিল ভাৰত।

গ্ৰুপ ২ৰ পৰা পাকিস্তানে ইতিমধ্যে ছেমিফাইনেল পাইছে। দ্বিতীয় দল হিচাপে কোনে ছেমিফাইনেলত স্থান লাভ কৰিব সেই লৈ যুঁজ অব্যাহত আছে।

আজি আফগানিস্তানৰ বিৰুদ্ধে পৰাস্ত হ'লে কোহলী বাহিনী বিশ্বকাপৰ পৰা বিদায় লোৱা নিশ্চিত। কাৰণ আজি জিকিলে আফগানিস্তানৰ পইণ্ট হ'ব ৬। ইয়াৰ পিছৰ দুয়োখন মেচ জিকিলেও কোহলী বাহিনীৰ হ'বগৈ মাত্ৰ ৪ পইণ্ট।