চেন্নাই ছুপাৰ কিংছ (Chennai Super Kings) আৰু আই পি এলৰ আটাইতকৈ সফল অধিনায়ক এম এছ ধোনী (MS Dhoni) বৰ্তমান ডুবাইত আছে। ধোনীয়ে পত্নী সাক্ষী আৰু কন্যা জীভাৰ সৈতে খ্ৰীষ্টমাছ পালন কৰিবলৈ ডুবাইলৈ গৈছে। (ফটো : ziva_singh_dhoni) মহেন্দ্ৰ সিং ধোনীৰ কন্যা জীভাই নিজৰ ইনষ্টাগ্ৰাম একাউণ্টত ডুবাইৰ পৰা এক মৰমলগা ফটো পোষ্ট কৰিছে। ফটোত জীভাক এক ছুইমিং পুলৰ কাষত থিয় হৈ থকা দেখা গৈছে আৰু কেপচনত লিখিছে – “Holiday"। (ফটো : ziva_singh_dhoni) জীভা সিং ধোনী ইনষ্টাগ্ৰামত খুব জনপ্ৰিয়। তেওঁৰ একাউণ্টত ২০ লাখৰো অধিক ফলোৱাৰ আছে। ডুবাইৰ পূৰ্বে প্ৰথমে মহেন্দ্ৰ সিং ধোনীয়ে এখন বিয়াত অংশগ্ৰহণ কৰিবলৈ জয়পুৰলৈ গৈছিল। তেওঁৰ পত্নী সাক্ষীয়ে বিয়াৰ ফটো শ্বেয়াৰ কৰিছে। (ফটো : sakshisingh_r) ৪০ বছৰ হোৱাৰ পিছতো ক্ৰিকেটৰ জগতত এতিয়াও ৰাজত্ব অব্যাহত আছে ধোনীৰ। ধোনীক তেওঁৰ ফ্ৰেন্সাইজী চিএছকেই আইপিএল ২০২২ৰ বাবে ১২ কোটি টকাত ৰিটেন কৰিছে। ধোনীৰ নেতৃত্বত চিএছকেই আইপিএল ২০২১ৰ খিতাপ জিকিছিল, যিটো চিএছকেৰ চতুৰ্থ খিতাপ আছিল। ধোনীয়ে শেহতীয়াকৈ ইউএইত খেলা টি২০ বিশ্বকাপত ভাৰতীয় দলৰ মেণ্টৰো আছিল। অৱশ্যে বিশ্বকাপত টীম ইণ্ডিয়াৰ যাত্ৰা শীঘ্ৰে শেষ হৈছিল।
