MS Dhoni-Sakshi Dhoni : চিনেমাত দেখাৰ দৰেই বাস্তৱতো একেইনে? ধোনী আৰু সাক্ষীৰ প্ৰেম জীৱনৰ সত্য জানেনে?

এম এছ ধোনীৰ জীৱনক লৈ বলীউদৰ বিখ্যাত ছবি আমি সকলোৱে চাইছো। কিন্তু ছবিখনত যেন বহু কথাই ৰৈ গৈছে! আজি আমি এই দম্পতীৰ এনে কিছু অজানা কথা আপোনালোকক জনাব বিচাৰিছো। সাক্ষী ধোনী অসমৰ লেখাপানীত অৱস্থিত এখন স্কুলত থাকি প্ৰাক–প্ৰাথমিক পৰ্যায়ৰ শিক্ষা লাভ কৰিছিল। ইয়াতেই থাকি পঢ়া–শুনা কৰিছিল ভাৰতৰ আন এগৰাকী ক্ৰিকেট তাৰকা বিৰাট কোহলীৰ পত্নী তথা বলীউদৰ অভিনেত্ৰী অনুষ্কা শৰ্মাই। যদিও পিছত সাক্ষীয়ে ডেৰাদুনৰ বিখ্যাত ৱেলহাম গাৰ্লছ স্কুল আৰু ৰাঁচীৰ জৱাহৰ বিদ্যা মন্দিৰত নিজৰ বাকী পঢ়া–শুনা সমাপ্ত কৰিছে। মহেন্দ্ৰ সিং ধোনীয়ে জৱাহৰ বিদ্যা মন্দিৰত তেওঁৰ ছিনিয়ৰ আছিল।

সাক্ষী সিং ধোনীয়ে ঔৰংগাবাদৰ হোটেল মেনেজমেণ্ট ইনষ্টিটিউটৰ পৰা মেনেজমেণ্টত স্নাতক ডিগ্ৰী লাভ কৰে। ইয়াৰ পিছত কলকাতাৰ তাজ বেংগল হোটেলৰ পৰা ইণ্টাৰ্ণশ্বিপ সমাপ্ত কৰে। তাতেই সাক্ষীৰ সৈতে এম এছ ধোনীৰ সাক্ষাৎ হয়। সাক্ষী ‘সাক্ষী ৰাৱট ফাউণ্ডেচন’ৰ প্ৰতিষ্ঠাপক। এই সংস্থাটোৱে অনাথ শিশুসকলক সহায় কৰাৰ বাবে কাম কৰে।

মহেন্দ্ৰ সিং ধোনী আৰু সাক্ষী ধোনীয়ে ৪ জুলাই ২০১০ তাৰিখে দেৰাডুনত বিবাহপাশত আবদ্ধ হয়। তেওঁলোকৰ প্ৰেমৰ কাহিনী খুব আমোদজনক। সাক্ষীয়ে তেওঁৰ স্কুলত এম এছ ধোনীৰ জুনিয়ৰ আছিল, কিন্তু তেতিয়াও দুয়ো দুয়োকে চিনি পোৱা নাছিল, কোনো কথাও হোৱা নাছিল। দুয়োৰে পিতৃয়ে ৰাঁচীত একেলগে কাম কৰিছিল। সাক্ষী আৰু মহেন্দ্ৰ সিং ধোনীয়ে মেনেজাৰ যুধজিৎ দত্তৰ জৰিয়তে ইজনে আনজনক সাক্ষাৎ কৰে। যিখন হোটেলত সাক্ষীয়ে ইণ্টাৰ্ণশ্বিপ কৰিছিল, তাতেই দুয়োৰে প্ৰথম দেখা হয়। ইয়াৰ পিছত ধোনীয়ে তেওঁৰ মেনেজাৰৰ পৰা সাক্ষীৰ নম্বৰ লৈ প্ৰথম যোগাযোগৰ চেষ্টা কৰে।

এম এছ ধোনীয়ে যেতিয়া প্ৰথম সাক্ষীক মেছেজ কৰিছিল, তেতিয়া সাক্ষীয়ে ভাবিছিল কোনোৱে তেওঁৰ সৈতে ধেমালি কৰাৰ চেষ্টা কৰিছে। আচলতে সাক্ষীয়ে বিশ্বাসেই কৰিব পৰা নাছিল যে ধোনী নিজেই তেওঁক মেছেজ কৰিব। পিছত ক্ৰমান্বয়ে সাক্ষীৰ ভুল ভাঙিল আৰু দুয়োৰে মাজত কথা–বাৰ্তা আৰম্ভ হয়। প্ৰায় আঢ়ৈ বছৰ তেওঁলোকে ডেট কৰে। সেই সময়ত ধোনীয়ে মিডিয়াৰ পৰা নিজৰ সম্পৰ্ক একেবাৰে গোপনে ৰাখিছিল। পিছত পৰিয়ালৰ সদস্যসকলৰ সন্মতিত বিয়া হয় দুয়োৰে। বৰ্তমান এই দম্পতীৰ এগৰাকী কন্যাও আছে। সাক্ষী আরু ধোনীয়ে কন্যাৰ নাম ৰাখিছে জিভা।

ভাৰতীয় ক্ৰিকেট দলৰ প্ৰাক্তন অধিনায়ক মহেন্দ্ৰ সিং ধোনীৰ পত্নী সাক্ষী ধোনীৰ জন্ম হৈছিল ১৯৮৮ চনৰ ১৯ নৱেম্বৰত অসমত। ইয়াতেই তেওঁৰ পিতৃয়ে আৰ কে সিং বিন্নাগুৰি চাহ কোম্পানীত কাম কৰিছিল। সাক্ষীৰ মাতৃ শীলা সিং গৃহিণী আছিল। সাক্ষাৰ এজন ভাতৃ আৰু ভগ্নীও আছে, ভাতৃৰ নাম অক্ষয় সিং আৰু ভগ্নীৰ নাম অভিলাষা বিস্ত।