প্ৰসিদ্ধ কৃষ্ণাৰ ওপৰত IPL-2022ৰ মেগা অকচনত হ’ব টকাৰ বৰষুণ! তিনিটা দলৰ মাজত চলিব পাৰে নিলামী যুঁজ

যুৱ পেছাৰ প্ৰসিদ্ধ কৃষ্ণা (Prasidh Krishna) বৰ্তমান সুন্দৰ ফৰ্মত আছে আৰু ৱেষ্ট ইণ্ডিজৰ বিৰুদ্ধে ছিৰিজত সুন্দৰ চমকপ্ৰদ প্ৰদৰ্শন কৰিছে। তেওঁ ছিৰিজৰ দুখন মেচত এতিয়ালৈ মুঠ ৬টা উইকেট দখল কৰিছে। আহমেদাবাদৰ নৰেন্দ্ৰ মোদী ক্ৰিকেট ষ্টেডিয়ামত বুধবাৰে খেলা ছিৰিজৰ দ্বিতীয়খন এদিনীয়াত প্ৰসিদ্ধ কৃষ্ণাই কেৱল ১২ ৰান দি ৪টা উইকেট দখল কৰে। ধাৰণা কৰা হৈছে যে প্ৰসিদ্ধ কৃষ্ণাৰ ওপৰত আইপিএলৰ আগন্তুক ছিজনৰ পূৰ্বে হ’বলগীয়া মেগা অকচনত পৰিব পাৰে টকাৰ বৰষুণ। তেওঁ বিগত ছিজনত কলকাতা নাইট ৰাইডাৰ্ছৰ অংশ আছিল। (AP)

প্ৰসিদ্ধ কৃষ্ণাই আহমেদাবাদত ৱেষ্ট ইণ্ডিজৰ বিৰুদ্ধে খেলত সুন্দৰ প্ৰদৰ্শন আগবঢ়ায়। দ্বিতীয়খন খেলত তেওঁৰ ভূমিকা আছিল উল্লেখযোগ্য। তেওঁ প্লেয়াৰ অব দ্য মেচ নিৰ্বাচিত হয়। ছিৰিজৰপ্ৰথমখন খেলতো তেওঁ ২৯ ৰান দি ২টা উইকেট লাভ কৰিছিল। (AFP)

প্ৰসিদ্ধ কৃষ্ণাই নিজৰ আইপিএল কেৰিয়াৰত এতিয়ালৈ ৩৪খন মেচ খেলিছে আৰু ৩০টা উইকেট দখল কৰিছে। তেওঁৰ ভাৰতৰ বাবে অৱশ্যে টেষ্ট আৰু টি২০ আন্তঃৰাষ্ট্ৰীয় ফৰ্মেটত এতিয়ালৈ খেলা নাই। খেলুৱৈগৰাকীয়ে ৬খন এদিনীয়া মেচত ১৫টা উইকেট দখল কৰিছে। (Instagram)

প্ৰসিদ্ধ কৃষ্ণাই বিগত ছিজনত কলকাতা নাইঠ ৰাইডাৰ্ছৰ হৈ খেলিছিল। এতিয়া একাংশ অনুৰাগীৰ বিশ্বাস যে এই ফ্ৰেঞ্চাইজীয়ে ১২–১৩ ফেব্ৰুৱাৰীত হ’বলগীয়া মেগা অকচনত তেওঁক চুক্তিবদ্ধ কৰিব পাৰে। কেকেআৰে আন্দ্ৰে ৰাছেল, সুনীল নৰেন, ভেংকটেশ আয়াৰ আৰু বৰুণ চক্ৰৱৰ্তীক ৰিটেন কৰিছে। ইয়াৰ লগতে পঞ্জাব কিংছ দলেও তেওঁৰ ওপৰত নজৰ ৰাখিব পাৰে। পঞ্জাবে কেৱল দুজন খেলুৱৈক ৰিটেন কৰিছে আৰু তেওঁলোকৰ উদ্দেশ্য নতুন দল গঠন কৰা। আনহাতে, ৰাজস্থান ৰয়েলছ দলেও প্ৰসিদ্ধক দলত সুবিধা দিব পাৰে। (Instagram)

ছিৰিজৰ দ্বিতীয় এদিনীয়াত মেন অব দ্য মেচৰ সন্মান লাভ কৰা প্ৰসিদ্ধ কৃষ্ণাই খেলৰ অন্তত কয়, ‘দীঘলীয়া সময়ৰ পৰা এনে প্ৰদৰ্শনৰ আশা কৰি আছিলো, আজি এনেকুৱা হোৱা বাবে সুখী আৰু আমি খেলখন জিকিলো। মই কেৱল সঠিক দিশত বলিং কৰাৰ চেষ্টা কৰিছিলো।’ (AFP)

১৯ ফেব্ৰুৱাৰীত ২৬ বছৰীয়া হ’বলগীয়া প্ৰসিদ্ধ কৃষ্ণাই কয়, ‘যেতিয়া মই বেটিঙৰ বাবে গৈছিলো তেতিয়াও বলে ছুইম কৰিছিল। তেতিয়া মই জানিছিলো যে ইয়াত মোৰ বাবে কিবা এটা আছে।’(Instagram/skiddyy)