IPL Final 2022: কোনে জয় কৰিব আইপিএল ২০২২ৰ খিতাপ, এই ৫ খেলুৱৈৰ ওপৰতে নিৰ্ভৰ জয়-পৰাজয়,

আই পি এল ২০২২ ((IPL 2022))ৰ ফাইনেলত পুনৰবাৰ বেটছমেনসকলে ৰানৰ বৰষুণ কৰিব পাৰে। দেওবাৰে ৰাজস্থান ৰয়েলছ আৰু গুজৰাট টাইটানছৰ মাজত অনুষ্ঠিত হ’ব টি-২০ লীগৰ ১৫ সংখ্যক ছিজনৰ ফাইনেলত। আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত হ’ব এইখন খেল। ৰাজস্থানৰ অ’পেনাৰ বেটছমেন জোছ বাটলাৰে এতিয়ালৈকে ৪টা শতক অৰ্জন কৰিছে।

বাটলাৰে ১৬টা ইনিংছত গড়ে ৫৯ ৰান কৰি ৮২৪ ৰান সংগ্ৰহ কৰিছে। ৪টা শতকো অৰ্জন কৰিছে বাটলাৰে। বাটলাৰৰ ষ্ট্ৰাইকৰেট হৈছে ১৫১। একে সময়তে দলটোৰ আন কোনো বেটছমেনে ৪৫০ ৰানো কৰিবলৈ সক্ষম হোৱা নাই। (Jos Buttler Instagram)

গুজৰাট টাইটানছৰ হৈ অধিনায়ক হাৰ্দিক পাণ্ডিয়াই ৪টা অৰ্ধশতকৰ সৈতে ৪৫৩ ৰান সংগ্ৰহ কৰিছে । ষ্ট্ৰাইক ৰেট হৈছে ১৩৩। একে সময়তে দলটোৰ আন এজন বেটছমেন ডেভিদ মিলাৰে গড়ে ৬৪ ৰান কৰি ৪৪৯ ৰান সংগ্ৰহ কৰিছে। ষ্ট্ৰাইক ৰেট হৈছে ১৪১। ৰাজস্থানৰ বিৰুদ্ধে এতিয়ালৈকে ২ খন মেচত পাণ্ডিয়া আৰু মিলাৰ দুয়োজনেই আউট হোৱা নাই। (GT Instagram)

জোছ বাটলাৰ, পাণ্ডিয়া আৰু মিলাৰৰ ৰান যোগ কৰিলে ই ১৭০০ৰো অধিক হয়। ফাইনেলত গুৰুত্বপূৰ্ণ হ’ব এই তিনিজন খেলুৱৈ। য’ত বাটলাৰে আৰম্ভণিৰে পৰাই দলটোক চম্ভালি আক্ৰমণাত্মকভাৱে বেটিং কৰে। আনহাতে, মিলাৰ আৰু পাণ্ডিয়াই এতিয়ালৈকে মিডল অৰ্ডাৰত দলটোৰ হৈ চমৎকাৰ প্ৰদৰ্শন কৰিছে।(GT Instagram)

বলাৰসকলৰ কথা ক’বলৈ গ’লে ৰাজস্থান ৰয়েলছৰ লেগ স্পিনাৰ যুজবেন্দ্ৰ চাহালে এতিয়ালৈকে উজ্জ্বল প্ৰদৰ্শন কৰিছে। গড়ে ২০কৈ উইকেট দখল কৰিছে ২৬টা। তেওঁৰ সৰ্বোত্তম প্ৰদৰ্শন হৈছে ৪০ ৰানত ৫টা উইকেট। ইকোনোমী ৰেট প্ৰায় ৮। তেওঁ হেট্ৰিকো লৈছে। (RR Instagram)

গুজৰাটৰ হৈ দলটোক ভাল আৰম্ভণি দিয়াৰ দায়িত্ব লৈ আহিছে বেগী বলাৰ মহম্মদ ছামীয়ে। তেওঁ এই পৰ্যন্ত গড়ে ২৪কৈ উইকেট দখল কৰিছে ১৯টা। তেওঁৰ সৰ্বোত্তম প্ৰদৰ্শন হৈছে ২৫ ৰানত ৩টা উইকেট। ইকোনোমী ৰেট ৮ৰ ওচৰত। (PTI)