India In WT20 : অন্ত পৰিল নেকি ভাৰতৰ টি-২০ বিশ্বকাপৰ যাত্ৰা ! নিউজীলেণ্ডৰ বিজয়ৰ পিছত ভাৰতৰ শেষ আশাতো পৰিল চেচা পানী!

স্কটলেণ্ডে (SCotland) যুঁজ দিছিল, কিন্তু শেষ মুহূৰ্তত নিউজীলেণ্ড (Newzealand)ৰ দৰে এটা শক্তিশালী দলক বলে নোৱাৰিলে। T-20 বিশ্বকাপত (T-20 World Cup) ১৬ ৰাণত কিৱি বাহিনীৰ হাতত পৰাস্ত হ'ল স্কটলেণ্ড।

আফগানিস্তান (Afghanistan)ৰ বিৰুদ্ধে নমাৰ আগেয়ে নিউজীলেণ্ড আৰু স্কটলেণ্ড (Newzealand Vs Scotland)ৰ মেচৰ প্ৰতি নিশ্চয় নজৰ ৰাখিছিল বিৰাট বাহিনীয়ে (Virat Kohli)। কাৰণ এইখন খেলত স্কটলেণ্ড জয়ী হ'লে টি-২০ বিশ্বকাপৰ ছেমিফাইনেলত ভাৰতে প্ৰবেশ কৰাৰ এক আশা আছিল। মেচখনত নিউজীলেণ্ডৰ মাৰ্টিন গুপ্টিলে (Martin Guptil) ৯৩ ৰাণৰ ইনিংছ কেলে।

প্রথমে বেটিং কৰি ৫ উইকেটত ১৭২ ৰাণ কৰিছিল নিউজীলেণ্ডে। উত্তৰত স্কটলেণ্ডে ২০ অভাৰত ৫ উইকেট হেৰুৱাই ১৫৬ ৰাণ কৰিয়েই ক্ষান্ত থাকে। ১৬ ৰাণত পৰাস্ত হয় স্কটলেণ্ডে।

দুখন মেচত জয়লাভ কৰি চাৰি পইণ্ট লাভ কৰিছে নিউজীলেণ্ডে। গ্রুপ-২ত ইতিমধ্যে পাকিস্তানে (Pakistan) ছেমিত স্থান নিশ্চিত কৰিছে। এইবাৰ আগবাঢ়ি গ'ল নিউজীলেণ্ডো।

আফগানিস্তানৰ বিৰুদ্ধে ভাৰতে জয়লাভ কৰিনেট ৰাণ ৰেটৰ উন্নতি ঘটাইছে। এতিয়া যদি আফগানিস্তান বা নামিবিয়াৰ হাতত নিউজীলেণ্ড পৰাস্ত হয় আৰু ভাৰতে স্কটলেণ্ড আৰু নামিবিয়াৰ বিৰুদ্ধে জয়লাভ কৰে তেন্তে এক ক্ষীণ আশা কৰিব পাৰে ভাৰতে। কাৰণ ক্ৰিকেট হৈছে মহা অনিশ্চয়তাৰ খেল।