৩৮ বছৰীয়া বেটাৰ মুৰলী বিজয়ৰ ধৈৰ্য্য ভংগ হ'ল। তেওঁ যোৱা পাঁচ বছৰ ধৰি ভাৰতীয় দললৈ উভতি যাবলৈ চেষ্টা কৰিছিল। তেওঁ অৱশেষত এটা দীঘলীয়া পোষ্টৰ সৈতে অৱসৰ ঘোষণা কৰিছে। মুৰলী বিজয়ে পোষ্টটোত লিখিছিল, "আজি মই সকলো ধৰণৰ ক্ৰিকেটৰ পৰা সন্মান সহকাৰে অৱসৰ ঘোষণা কৰিছো। ২০০২ চনৰ পৰা ২০১৮ চনলৈ কেবাটাও সময় মোৰ জীৱনৰ অন্যতম শ্ৰেষ্ঠ মুহূৰ্ত আছিল। " ভাৰতীয় বেটছমেনজনে আৰু লিখিছিল, 'মই দেশৰ হৈ খেলাৰ সন্মান লাভ কৰিছো। ইয়াৰ বাবে মই বিচিচিআই, তামিলনাডু ক্ৰিকেট এছ'চিয়েচন আৰু চেন্নাই চুপাৰ কিংছক ধন্যবাদ জনাইছো। ক্ৰিকেট খেলপথাৰত খেলাতকৈ বিজয় তেওঁৰ ব্যক্তিগত জীৱনৰ বাবে বেছি চৰ্চিত হৈছিল। তেওঁ তেওঁৰ বন্ধু দিনেশ কাৰ্তিকৰ পত্নীক বিয়া কৰাইছিল। তেওঁ সেই ঘটনাটোৰ বাবে খলনায়ক হৈ পৰিছিল। বিজয়ে ভাৰতীয় দলৰ হৈ আন্তঃৰাষ্ট্ৰীয় ক্ৰিকেটত মুঠ ৮৭ খন খেল খেলিছে। ১৩০ টা ইনিংছত তেওঁৰ বেটৰ পৰা ৪৪৯০ ৰাণ আহিছিল। আন্তঃৰাষ্ট্ৰীয় ক্ৰিকেটত বিজয়ৰ ১২ টা শতক আৰু ১৬ টা অৰ্ধশতক আছে। বহুতে তেওঁৰ ৰাণৰ কথা পাহৰি গৈছে। মুৰলী বিজয়ক ভাৰতীয় অনুৰাগীসকলে তেওঁৰ ব্যক্তিগত জীৱনৰ বাবেহে যেন মনত ৰাখিছে।
