India vs Pakistan| T-20 World Cup : মৰুৰ দেশত আজি মহাৰণ, অতীতক পাহৰিব বিচাৰে পাকিস্তানে, এই ৫ পাক ক্রিকেটাৰ ওপৰত থাকিব নজৰ

আজি ডুবাইত ভাৰত-পাকিস্তানৰ মহাৰণ ! এই এখন খেলক লৈ উন্মাদনা বিশ্বকাপৰ ফাইনেলতকৈও বেছি ৷ দুয়োটা দলে চিৰপ্ৰতিদ্বন্দীক পৰাস্ত কৰি এই টি-২০ বিশ্বকাপ অভিযান আৰম্ভ কৰিব বিচাৰিব ৷৷ Photo Courtesy: Pakistan Cricket/Twitter

ভাৰতৰ বিৰুদ্ধে বিশ্বকাপৰ দুয়োটা ফৰ্মেটতে পাকিস্তানৰ প্ৰদৰ্শন অতি শোচনীয় ৷ আজিলৈকে ভাৰতৰ বিৰুদ্ধে বিশ্বকাপত এখনো মেচ জিকিব পৰা নাই পাকিস্তানে ৷ কিন্তু এইবাৰ বাবৰ আজম, শ্বাহিন আফ্ৰিদীয়ে সকলো ৰেকৰ্ড সলনি কৰিবলৈ ব্যাকুল হৈ পৰিছে ৷ Photo Courtesy: Pakistan Cricket/Twitter

পাকিস্তান ক্ৰিকেট দলে বিশ্বকাপ খেলিবলৈ UAEলৈ ৰাওনা হোৱাৰ পূৰ্বে দলটোক অনুপ্ৰাণিত কৰে পাকিস্তানৰ প্ৰধানমন্ত্ৰী তথা পাকিস্তান ক্ৰিকেট দলৰ প্ৰাক্তন বিশ্বকাপ বিজয়ী দলৰ অধিনায়ক ইমৰান খানে। ইমৰানে দলটোৰ সৈতে ১৯৯২ত বিশ্বকাপ জয়ৰ অভিজ্ঞতা শ্বেয়াৰ কৰে। ৷ Photo Courtesy: Pakistan Cricket/Twitter

ইমৰান খানে বাবৰ আজমক কয়, 'খেলপথাৰত যেতিয়া নামিবা, আত্মবিশ্বাস অটুট ৰাখিবা। কেৱল এটা কথা মনত ৰাখিবা, মই বিজয়ী হৈহে খেলপথাৰ এৰিম।' Photo Courtesy: Pakistan Cricket/Twitter

আজিৰ খেলখনত যি পাঁচজন পাক ক্ৰিকেটাৰৰ ওপৰত সকলোৰে চকু থাকিব তেওঁলোক হৈছে অধিনায়ক বাবৰ আজম, মহম্মদ ৰিজৱান, শ্বাহিন শ্বাহ আফ্ৰিদি, হাছান আলী আৰু মহম্মদ হাফিজ। Photo Courtesy: Pakistan Cricket/Twitter

বাবৰ আজম হৈছে পাকিস্তানৰ বেটিঙৰ স্তম্ভ ৷ ইয়াত কোনো সন্দেহ নাই৷ লগতে আজিৰ খেলখনত অভিজ্ঞ অলৰাউণ্ডাৰ মহম্মদ হাফিজ, সোঁহতীয়া পেচাৰ হাছান আলী, বাওঁহতীয়া পেচাৰ শ্বাহিন শ্বাহ আফ্ৰিদি আৰু উইকেটকিপাৰ বেটছমেন মহম্মদ ৰিজৱানৰ ওপৰতে নিৰ্ভৰ কৰিব পাকিস্তানৰ ভাগ্য ৷ Photo Courtesy: Pakistan Cricket/Twitter