HBD Shikhar Dhawan: ফেচবুকত ১০ বছৰ ডাঙৰ যুৱতীৰ সৈতে প্ৰেম, ইনষ্টাগ্ৰামত হ’ল তালাক

ভাৰতীয় দলৰ ক্ৰিকেটাৰ শিখৰ ধৱন আজি ৩৬ বছৰীয়া হ’ল। ক্ৰিকেট গ্ৰাউণ্ডত সকলোকে মোহিত কৰা শিখৰ ধৱনৰ প্ৰেম কাহিনীৰ অন্ত সুখকৰ নাছিল। এই বছৰৰে ছেপ্টেম্বৰ মাহত তেওঁৰ পত্নী আয়েশা মুখাৰ্জীৰ সৈতে তালাক হয়। (ফটো : shikhardofficial)

শিখৰ ধৱনে নিজতকৈ ১০ বছৰ ডাঙৰ আৰু দুই সন্তানৰ মাতৃ আয়েশাক নিজৰ জীৱন সংগী কৰি লৈছিল। আচলতে আয়েশাৰ পৰিয়াল অষ্ট্ৰেলিয়াত থাকে। তেওঁৰ পিতৃ বেংগলী আৰু মাতৃ ব্ৰিটিছ। পেছাত কিক বক্সাৰ আয়েশাৰ ধৱনৰ সৈতে দ্বিতীয় বিবাহ আছিল। দুয়োৰে সাক্ষাৎ ফেচবুকৰ জৰিয়তে হৈছিল। ইয়াৰ পিছত দুয়ো ২০১২ চনত বিবাহপাশত আবদ্ধ হয়। (ফটো : shikhardofficial)

কোনোৱে ভৱা নাছিল যে ফেচবুকৰ জৰিয়তে আৰম্ভ হোৱা এক প্ৰেম কাহিনীৰ অন্ত পৰাৰ খবৰ ইনষ্টাগ্ৰামৰ যোগেদি পাম বুলি। এই যুটীয়ে ২০১২ চনত বিবাহপাশত আবদ্ধ হৈছিল আৰু ২০১৪ত পুত্ৰ জোৰাৱৰৰ জন্ম হয়। ৯ বছৰীয়া সম্পৰ্কত থকাৰ পিছত আয়েশাই ইনষ্টাগ্ৰামৰ পোষ্টৰ জৰিয়তে তালাকৰ কথা সদৰি কৰিছিল। (ফটো : aesha.mukerji)

মেলবৰ্ণৰ বাসিন্দা আয়েশাৰ বিয়া প্ৰথমে এক অষ্ট্ৰেলিয়ান ব্যৱসায়ীৰ সৈতে হৈছিল আৰু দুগৰাকী কন্যা সন্তানৰ জন্ম হৈছিল। আয়েশাৰ ইনষ্টাগ্ৰাম পোষ্টৰ পৰা জানিব পৰা গৈছে যে তেওঁৰ পুত্ৰও তেওঁৰ সৈতেই থাকে। প্ৰায়ে আয়েশাই নিজৰ সন্তানৰ ফটো ছচিয়েল মিডিয়াত আপলোড কৰে। (ফটো : aesha.mukerji)

শিখৰ ধৱনে ভাৰতৰ বাবে ৩৪খন টেষ্ট, ১৪৫ খন এদিনীয়া আৰু ৬৭খন টি২০ খেলিছে। ধৱনে টেষ্টত ২৩১৫, এদিনীয়াত ৬১০৫ আরু টি২০ ইণ্টাৰনেচনেলত ১৭৫৯ ৰান কৰিছে। এই খেলুৱৈগৰাকীৰ নামত আছে ২৪টা শতক। (Shikhar dhawan instagram)

শিখৰ ধৱন বৰ্তমান ছিংগল, তালাকৰ পিছত তেওঁ কোনো নতুন সম্পৰ্কত সোমোৱা নাই।