নেডাৰলেণ্ডে আমেৰিকাক পৰাস্ত কৰি বিশ্বকাপৰ কোৱাৰ্টাৰ ফাইনেলত উপনীত হৈছিল। আনহাতে, মেছিৰ আৰ্জেণ্টিনাই অষ্ট্ৰেলিয়াক পৰাস্ত কৰি অন্তিম আঠত প্ৰৱেশ কৰিছে। দুয়োখন দেশ আকৌ এবাৰ বিশ্ব মঞ্চত মুখামুখি হ'ব। ইয়াৰ পূৰ্বে দুবাৰকৈ বিশ্বকাপৰ নকআউট পৰ্যায়ত নেদাৰলেণ্ডে আৰ্জেণ্টিনাৰ হাতত পৰাস্ত হ'ব লগা হৈছিল। ১৯৭৮ চনৰ ফাইনেল আৰু ২০১৪ চনৰ ছেমি ফাইনেলত। ডাচ প্ৰশিক্ষক লুই ভান গালে ইয়াক পুনৰাবৃত্তি হোৱাটো নিবিচাৰে। দৰাচলতে, নেডাৰলেণ্ডৰ প্ৰশিক্ষকে দলটোৰ ল'ৰাসকলক আৰ্জেণ্টিনাৰ বিৰুদ্ধে প্ৰতিশোধ ল'বলৈ এটা বাৰ্তা দিছে। ভান গালে স্পষ্ট কৰি দিছে যে মেছিৰ আৰ্জেণ্টিনা এই মুহূৰ্তত মুখ্য বাধা। ডালে ব্লিণ্ডে কৈছে যে প্ৰশিক্ষকে তেওঁলোকক কৈছিল, "আৰ্জেণ্টিনাক পৰাস্ত কৰাৰ লক্ষ্য এতিয়া মাত্ৰ এটা। আমি বিশ্বকাপত তেওঁলোকৰ হাতত দুবাৰ পৰাজিত হৈছো। মই ল'ৰাবোৰক এইবাৰ কৈছো, আকৌ যেন সেয়া নহয়। ' ভান গালে লগতে কয়, "মই ভাবো এইবাৰ কাপ জিকাৰ সম্ভাৱনা বহুত বেছি। আৰু যদি আপুনি তিনিখন মেচ জিকে, সকলোৰে সকলো সপোন সঁচা হ'ব। একেৰাহে এবছৰ ধৰি, মই সকলোকে কৈ আহিছো যে যদি আমি সঠিকভাৱে খেলোঁ, আমি বিশ্বকাপৰ সৈতে ঘৰলৈ উভতি আহিম।
