Jhulan Goswami: বিশ্বকাপ আৰু স্পৰ্শ কৰা নহ'ল ভাৰতীয় মহিলা ক্ৰিকেট দলৰ, হতাশ ঝুলনৰ চকুত চকুপানী!

আঘাত লাগিছিল। গতিকে তেওঁ দক্ষিণ আফ্ৰিকাৰ বিৰুদ্ধে বিশ্বকাপৰ খেলখনত খেলিব নোৱাৰিলে। ঝুলন গোস্বামীয়ে নেখেলাটোৱে এটা কাৰক হৈ পৰিল নেকি আজি ভাৰতীয় মহিলা ক্ৰিকেট দলৰ বাবে? ভাৰতীয় দলটো দক্ষিণ আফ্ৰিকাৰ হাতত পৰাজিত হৈ মহিলা বিশ্বকাপৰ পৰা বাহিৰ হব লগা হ'ল আজি।

ঝুলনে তেওঁৰ কেৰিয়াৰৰ অন্তিম বিশ্বকাপখন খেলিছিল। তেওঁ এইবাৰ বিশ্বকাপ স্পৰ্শ কৰাৰ হেঁপাহ পূৰ নহ'ল। হতাশাত চাকদহ এক্সপ্ৰেছ ভাগি পৰিছিল। ২৫ বছৰ ধৰি বংগৰ এই ছোৱালীজনীয়ে প্ৰতিদিনে বিশ্ব জয়ৰ সপোন লৈ দৌৰি আহিছিল।

১৯৯৭ চনত বল গাৰ্ল ৰূপে পৰিচিতিৰ পিছত বিশ্বকাপত সৰ্বাধিকসংখ্যক উইকেট দখলৰ ৰেকৰ্ড আছে তেওঁৰ। তেওঁ ভাবিছিল যে তেওঁ অন্ততঃ এইবাৰ বিশ্বকাপ স্পৰ্শ কৰিব। কিন্তু সেয়া সম্ভৱ নহ'ল। ভাৰতীয় মহিলা ক্ৰিকেট দলে বিশ্বকাপখনৰ অন্তিম বলত দক্ষিণ আফ্ৰিকাৰ হাতত পৰাস্ত হোৱাৰ পিছত মিতালী ৰাজ, ঝুলন গোস্বামীৰ ছেমিফাইনেলত প্ৰৱেশৰ আশা সমাপ্ত হয়।

২০১৭ চনত বিশ্বকাপ জিকাৰ সুযোগ আছিল। কিন্তু ভাৰতীয় মহিলা দল ফাইনেলত পৰাজিত হৈছিল। এইবাৰ, ভাৰতীয় দলটো কোৱাৰ্টাৰ ফাইনেলৰ পৰা বাহিৰ হৈছিল।

ঝুলনে ড্ৰেছিং ৰুমত বহি খেল চাই আছিল। তেওঁক উত্তেজনাপূৰ্ণ, উদ্বিগ্ন ৰূপত প্ৰত্যক্ষ কৰা গৈছিল। শেষত তেওঁৰ সপোন অপূৰণে নিগৰাই দুচকুৰে চকুপানী।