২০২৩ চনৰ আই পি এলত কে কে আৰ ব্যৰ্থ হোৱাৰ পিছতো ৰিংকু সিং হৈ পৰিছে সকলোৰে চকুৰ মণি। ধাৰাবাহিকভাৱে অনবদ্য ইনিংছ খেলা ৰিংকুক ৰাতিটোৰ ভিতৰতে ছুপাৰষ্টাৰ কৰি তুলিলে আই পি এলে। স্বাভাৱিকতে যুৱতীসকলৰ মাজতো ৰিংকুৱে সুনাম অৰ্জন কৰিছে। জনপ্ৰিয়তা এনে পৰ্যায় পাইছেগৈ যে শেষৰখন মেচত ইডেনত ৰিংকুৱে বেটিং কৰা চাবলৈ সুদূৰ আফগানিস্তানৰ পৰা এগৰাকী ধুনীয়া মহিলাও আহে। ইডেন গাৰ্ডেনত কেকেআৰ বনাম এলএছজিৰ খেল চাবলৈ উপস্থিত আছিল আফগান সুন্দৰী ৱাজমা আয়োবি। তেওঁ আফগানিস্তানৰ দলৰ অনুৰাগী। ইডেনত ৱাজমা আয়োবিৰ হাতত কে কে আৰৰ পতাকাৰ লগতে আফগানিস্তানৰ পতাকাও প্ৰত্যক্ষ কৰা গৈছিল। ৱাজমা ৰিংকু সিঙৰ ডাই হাৰ্ট ফেন বুলি জনা যায়। মেচৰ পিছত ৱাজমাই ৰিংকু সিঙৰ সৈতে এখন ছবি শ্বেয়াৰ কৰি কেপচনত লিখিছিল, ‘কলকাতা আছিল এক ডাঙৰ অভিজ্ঞতা’। লগতে আছিল ভাৰত আৰু আফগানিস্তানৰ পতাকা আৰু হাৰ্ট ইমোজি। জনা যায় যে ৰিংকুৰ বেটিঙে ৱাজমাক পাগল কৰি তুলিছিল। ছ'চিয়েল মিডিয়াতো আৰম্ভ হৈছে তাইৰ প্ৰেমক লৈ জল্পনা-কল্পনা। অৱশ্যে এই সন্দৰ্ভত কোনেও কোনো মন্তব্য কৰা নাই।
