Gold-Silver Latest Price| সস্তাত সোণ ক্ৰয় কৰাৰ সুযোগ! ৰেকৰ্ড উচ্চ স্তৰৰ পৰা সোণৰ দাম কমিল ৮,৩৮১ টকা, জানক ১০ গ্ৰাম সোণৰ শেহতীয়া মূল্য

নতুন দিল্লীঃ সোণ–ৰূপৰ মূল্য একেৰাহে হ্ৰাস পাই আছে। গতিকে আপোনাৰ কাৰণে সোণ–ৰূপ ক্ৰয় কৰাৰ এয়াই ভাল সুযোগ। মাল্টি কমডিটিজ এক্সচেঞ্জত (MCX) আজি অক্টোবৰ ডেলিভাৰী সোণৰ দাম ০.২০ শতাংশ হ্ৰাস পাইছে। সেইদৰে ৰূপৰ মূল্য (Silver price) ০.৫১ শতাংশ হ্ৰাস পাইছে।

জানক সোণ–ৰূপৰ মূল্য(Gold Silver Price)
অক্টোবৰ ডেলিভাৰী সোণৰ মূল্য আজি ০.২০ শতাংশ হ্ৰাস পাই প্ৰতি দহ গ্ৰামত ৪৭,৮১৯ টকাৰ স্তৰত আছে। আনহাতে ৰূপৰ মূল্য ০.৫১ শতাংশ হ্ৰাস পাইছে। আজি এক কিলোগ্ৰাম ৰূপৰ মূল্য ৬২,৫৬৪ টকা।

যোৱা বছৰ একে সময়তে MCXত ১০ গ্ৰাম সোণৰ দাম ৫৬,২০০ টকাৰ উচ্চতম মূল্যত আছিল। আজি সোণৰ দাম MCXত প্ৰতি দহ গ্ৰামত ৪৭,৮১৯ টকা। অৰ্থাৎ প্ৰায় ৮,৩৮১ টকা কম।

মিচড কলেৰে জানক সোণৰ দামঃ
ঘৰতে বহি আপুনি সোণ–ৰূপৰ দাম জানিব পাৰে। ইয়াৰ কাৰণে আপুনি মাত্ৰ ৮৯৫৫৬৬৪৪৩৩ত মিচড কল দিয়ক। মেচেজত আপুনি গম পাব শেহতীয়া ৰেট।

সোণৰ বিশুদ্ধতা কেনেকৈ ধৰিবঃ
চৰকাৰে এটা এপ বনাইছে যিটোৰ নাম ‘BIS Care app’। এই এপৰ সহায়ক গ্ৰাহকে (Consumer) সোণৰ (Gold) বিশুদ্ধতা (Purity) পৰীক্ষা কৰাৰ লগতে ইয়াৰ সৈতে জৰিত যিকোনো অভিযোগ দাখিল কৰিব পাৰে।
এই এপত (App) যদি সামগ্ৰীৰ লাইচেন্স, ৰেজিষ্ট্ৰেশ্যন আৰু হলমাৰ্ক ভুল পোৱা যায় তেনেহ’লে গ্ৰাহকে লগে লগে ইয়াৰ অভিযোগ সংশ্লিষ্ট বিভাগত দাখিল কৰিব পাৰে।