Radhika Merchant: আম্বানী পৰিয়ালৰ বোৱাৰী হ’বলৈ ওলোৱা ৰাধিকা মাৰ্চেণ্ট কোন?

ৰাধিকা মাৰ্চেণ্ট মুকেশ আম্বানীৰ বন্ধুৰ কন্যা : ৰাধিকা মাৰ্চেণ্ট মুকেশ আম্বানীৰ ঘনিষ্ঠ বন্ধু বীৰেন মাৰ্চেণ্টৰ কন্যা। বীৰেন মাৰ্চেণ্ট হৈছে এনকোৰ হেল্থকেয়াৰৰ চিইঅ’। ৰাধিকা বীৰেন মাৰ্চেণ্ট আৰু শৈলা মাৰ্চেণ্টৰ কন্যা।

অনন্ত আম্বানী আৰু ৰাধিকাৰ বন্ধুত্ব বহু বছৰৰ। আম্বানী পৰিয়ালত যেতিয়া ঈশা আৰু আনন্দ পিৰামল আৰু আকাশ আম্বানী আৰু শ্লোকা মেহতাৰ বিয়া হৈছিল তেতিয়া সকলোৰে দৃষ্টি ৰাধিকাৰ ওপৰত আছিল।

তেতিয়াৰ পৰাই অনন্ত আৰু ৰাধিকাৰ সম্পৰ্কৰ খবৰটোও ওলাবলৈ ধৰিলে। মুকেশ আম্বানীয়ে তেওঁৰ আৰঙ্গেত্ৰম অনুষ্ঠানৰ আয়োজন কৰাত লাইমলাইটলৈ আহিছিল ৰাধিকা।

ৰাধিকা এগৰাকী শাস্ত্ৰীয় নৃত্যশিল্পী : ৰাধিকাৰ শিক্ষাৰ কথা ক’বলৈ গ’লে অৰ্থনীতিত স্নাতক ডিগ্ৰী সম্পূৰ্ণ কৰিছে। নিউয়ৰ্ক বিশ্ববিদ্যালয়ৰ পৰা ডিগ্ৰী লাভ কৰিছে। লগতে ৰাধিকা এগৰাকী শাস্ত্ৰীয় নৃত্যশিল্পী।

ভাৰতৰ উপৰিও তেওঁ বহুবাৰ বিদেশতো অনুষ্ঠান পৰিৱেশন কৰিছে। গুৰু ভৱনা ঠাকৰেৰ পৰা নৃত্যৰ প্ৰশিক্ষণ লৈছে ৰাধিকাই। ৰাধিকাৰ পৰিয়াল গুজৰাটৰ কুটচৰ। ৰাধিকাৰ সৰু ভনীয়েকৰ নাম অঞ্জলি মাৰ্চেণ্ট।

অনন্ত আৰু ৰাধিকাৰ প্ৰেম কাহিনী কেনেকৈ আৰম্ভ হ’ল : অনন্ত আৰু ৰাধিকাৰ প্ৰেম কাহিনীৰ কথা কওঁতে দুয়োৰে পঢ়াৰ সময়ত লগ হৈছিল। দুয়োজনেই বহু বছৰ ধৰি ভাল বন্ধু, সময়ৰ লগে লগে তেওঁলোকৰ বন্ধুত্ব প্ৰেমলৈ পৰিণত হ’ল।

অনন্তৰ উপৰিও মুকেশ, নীতা আম্বানী, শ্লোকা আৰু ঈশাৰ সৈতে ৰাধিকাৰ ঘনিষ্ঠ বন্ধন। সকলোৰে সৈতে ৰাধিকাৰ ছবি ভাইৰেল হৈছে ইতিমধ্যে।

সংবাদ মাধ্যমৰ বাতৰি অনুসৰি, ১৯৯৪ চনৰ ১৮ ডিচেম্বৰত মুম্বাইত জন্মগ্ৰহণ কৰা ৰাধিকাই মুম্বাইৰ কেথেড্ৰেল এণ্ড জন কনন স্কুল আৰু ইক’ল মণ্ডিয়াল ৱৰ্ল্ড স্কুলৰ পৰা স্কুলীয়া শিক্ষা গ্ৰহণ কৰিছিল। নিউয়ৰ্ক বিশ্ববিদ্যালয়ৰ পৰা ৰাজনীতি আৰু অৰ্থনীতি বিষয়ত স্নাতক ডিগ্ৰী লাভ কৰে ৰাধিকাই।

স্নাতক ডিগ্ৰী লাভ কৰাৰ পিছত ২০১৭ চনত ৰাধিকাই ৰিয়েল এষ্টেট প্ৰতিষ্ঠান ইস্প্ৰভাত ছেলছ একজিকিউটিভ হিচাপে যোগদান কৰে। কিতাপ পঢ়া, ট্ৰেকিং আৰু সাঁতোৰ আদিৰ প্ৰতি আকৰ্ষিত ৰাধিকা। ইয়াৰ লগতে ৰাধিকাই পশু কল্যাণৰ বাবেও কাম কৰে।

আজি দুয়োৰে এংগেজমেণ্ট পৰ্ব সম্পন্ন  হৈ যায় ৰাজস্থানত। এই শুভ অনুষ্ঠানত উপস্থিত থাকে আম্বানী আৰু মাৰ্চেণ্ট পৰিয়ালৰ সদস্যসকলৰ লগতে দুয়োৰে বন্ধুবৰ্গ।