Ms Dhoni Relation With Raai Laxmi: ‘ধোনীৰ সৈতে সম্পৰ্ক মোৰ জীৱনৰ এটা দাগৰ দৰে’ – আক্ষেপ এইগৰাকী অভিনেত্ৰীৰ

দাক্ষিণাত্যৰ ছবিৰ অভিনেত্ৰী তেওঁ। ৰাই লক্ষ্মী (Raai Laxmi)। মাজে সময়ে ছচিয়েল মিডিয়াত নিজৰ গ্লেমাৰাছ ফটো শ্বেয়াৰ কৰে অভিনেত্ৰীগৰাকীয়ে। সেই ৰাই লক্ষ্মীৰ সৈতে এটা সময়ত ভাৰতৰ বিশ্বকাপজয়ী অধিনায়ক মহেন্দ্ৰ সিং ধোনীৰ সম্পৰ্কৰ গুজব ওলাইছিল। গুজব এইকাৰণেই, ধোনীয়ে নিজে কেতিয়াও সেই সম্পৰ্কৰ কথা স্বীকাৰ কৰা নাই। কিন্তু ৰাই লক্ষ্মীয়ে একাধিকবাৰ সাক্ষাৎকাৰত ধোনীৰ সৈতে সম্পৰ্ক থকাৰ কথা প্ৰকাশ কৰিছিল।

২০০৮–০৯ চনত কেইবাবাৰো ধোনীৰ সৈতে দেখা গৈছিল ৰাই লক্ষ্মীক। সেই সময়ত বহুতে ভাবিছিল, ধোনীৰ সৈতে সম্পৰ্ক আছে অভিনেত্ৰীগৰাকীৰ। ধোনীৰ তেতিয়া বিয়া হোৱা নাছিল।

২০১৪ চনত এটা সাক্ষাৎকাৰত ৰাই লক্ষ্মীয়ে কৈছিল, ধোনীৰ সৈতে সম্পৰ্ক মোৰ জীৱনৰ এটা দাগৰ দৰে। সেই দাগ ইমান সহজতে আঁতৰ হ’ব বুলি মনে নকয়। কিন্তু তাক লৈ মোৰ একো আহে–নাযায়। যাৰ যি ইচ্ছা ভাবিব পাৰে।

এটা সময়ত ভাৰতীয় দলৰ প্ৰাক্তন ক্ৰিকেটাৰ এছ শ্ৰীশান্তৰ সৈতেও সম্পৰ্কৰ গুজব ওলাইছিল ৰাই লক্ষ্মীৰ। কিন্তু শ্ৰীশান্তেও সেই সম্পৰ্কৰ কথা স্বীকাৰ কৰা নাছিল। শ্ৰীশান্তে কৈছিল, ৰাই লক্ষ্মীৰ সৈতে চিনেমাৰ শ্বুটিঙৰ সময়ত দেখা হৈছিল। তেতিয়াৰে পৰা ভাল বন্ধুত্ব হৈছিল।

ৰাই লক্ষ্মীয়ে জনাইছেল, ধোনীৰ প্ৰতি তেওঁৰ সন্মান অটুট আছে। ধোনীৰ সৈতে ব্ৰেকআপ হৈছিল পৰস্পৰৰ প্ৰতি সন্মান বজাই ৰাখি। কিন্তু অভিনেত্ৰীগৰাকীয়ে এয়াও কয় যে ধোনীৰ স্থানত তেওঁ আন কাকো বহুৱাব নোৱাৰে। ধোনীৰ প্ৰতি তেওঁৰ অনুভূতি সঁচা আছিল।

কন্নড় ছবি  Jhansi I.P.S, তেলেগু ছবি Anandha Bhairavi আরু Gangster 21ত দেখা যাব ৰাই লক্ষ্মীক। ইয়াৰ পূৰ্বে তামিল আৰু মালায়ালম ছবিত দেখা গৈছে অভিনেত্ৰীগৰাকীক। দক্ষিণৰ চিনেমা জগতৰ জনপ্ৰিয় অভিনেত্ৰী তেওঁ।