Viral: টাৰ্গেট বয়সীয়াল অবিবাহিত লোক! সাতখনকৈ বিয়াৰ পিছতহে পোহৰলৈ আহিল কইনাৰ আচল পৰিচয়! Bollywoodৰ চিনেমাৰ সৈতেও তুলনা নহ'ব এই 'প্লট'!

কোনো হিন্দী চিনেমাৰ চিত্ৰনাট্যকো পিছ পেলাব এই কাহিনীয়ে। সাতখনকৈ বিয়াত বহিছিল। বিয়াৰ পিছতে দৰাক লুটি হৈ নাপাত্তা। শুনিবলৈ একেবাৰে চিনেমাৰ কাহিনীৰ দৰে। কিন্তু এয়া এক বাস্তৱ ঘটনা। চাঞ্চল্যকৰ ঘটনাতো সংঘটিত হৈছে মধ্যপ্ৰদেশৰ জব্বলপুৰত।

উৰ্মিলাৰ বয়স ২৮। কেইবছৰমান পূৰ্বে অজয় নামৰ এজন যুৱকৰ সৈতে বিয়াত বহিছিল। কিন্তু বিয়াৰ মাত্ৰ কেইটামান দিনৰ পিছতে বিধৱা হয় উৰ্মিলা। ঘূৰি যায় পিতৃৰ গৃহলৈ। আৰু তাৰ পিছতে নিজে উপাৰ্জনৰ পথ সন্ধানত ব্যস্ত হৈ পৰে। আৰু এনেদৰে এদিন সলনি হৈ যায় উৰ্মিলাৰ জীৱন।

উৰ্মিলাৰ  কথা-বতৰা চলে ভাগচন্দ নামৰ এজন যুৱকৰ সৈতে। তাৰ পিছত এজনৰ পিছত আনএজন যোগ হৈ থাকে- অৰ্চনা বৰ্মন স্যাম, অমৰ সিং পেটেল ইত্যাদি। সকলোকে প্ৰয়োজন আছিল টকাৰ। গতিকে দলটোৱে সাজু কৰে এটা প্লেন। আৰু উৰ্মিলাক কৰে হাথিয়াৰ।

বয়সীয়াল অবিবাহিত পুৰুষক চিনাক্ত কৰা আৰম্ভ কৰে দলটোৱে। তাৰ পিছত উৰ্মিলাক কইনা সাজাই ধুমধামকৈ বিয়া পাতি দিয়ে। আৰু এদিন সুযোগ বুজি টকা-পইচা লৈ উধাও হয় উৰ্মিলা। এনেদৰে চলি আছিল তেওঁলোকৰ ব্যৱসায়।

প্ৰথমে ৰাজস্থানৰ এজন লোকক বিয়া কৰাই ৪ মাহৰ পিছত ২০ হাজাৰ টকা আৰু গহনা লৈ পলাই যায় উৰ্মিলা। ইয়াৰ পিছত মধ্যপ্ৰদেশৰ সাগৰ নামৰ এজনৰ সৈতে দ্বিতীয় বিবাহত বহে। আৰু ১৫ দিনৰ ভিতৰতে ২২ হাজাৰ টকা আৰু গহনা লৈ উধাও হয়। তাৰ পিছত এনেদৰে চতুৰ্থ, পঞ্চম আৰু ষষ্ঠবাৰ বেলেগ বেলেগ পুৰুষৰ লগত বিয়া হৈ টকা পইচা লুটি উধাও হয়।

কিন্তু সপ্তমখন বিয়াৰ সময়তে বিপদত পৰিল উৰ্মিলা। ২ ফেব্ৰুৱাৰীত জব্বলপুৰৰ ৪১ বছৰীয়া দশৰথৰ সৈতে বিয়াত বহোৱেই পোহৰলৈ আহে সমগ্ৰ ঘটনা।  বৰ্তমান আৰক্ষীৰ হাতত ধৰা পৰিছে অৰ্চনাৰ সংগী। গোপন সূত্ৰৰ খবৰ অনুসৰি, প্ৰৱঞ্চকৰ দলটোক কৰায়ত্ত কৰিবলৈ সক্ষম হৈছে আৰক্ষী।