Vaccine Registration above 18: ১৮ বছৰ হ'লেই কোৰোণা ভেকচিন, কেতিয়াৰ পৰা কৰিব লাগিব ৰেজিষ্ট্ৰেশ্যন?

১৮ বছৰ বয়সৰ ওপৰৰ লোকক ১ মে'ৰ পৰা কোৰোণাৰ ভেকচিন দিয়া হ'ব। ভেকচিন দিয়াৰ বাবে নিৰ্ধাৰিত তৃতীয় পৰ্যায়ত গুৰুত্বপূৰ্ণ এই সিদ্ধান্তৰ কথা ঘোষণা কৰিছে কেন্দ্ৰীয় স্বাস্থ্য মন্ত্ৰণালয়ে। গতিকে ভেকচিন ল'বলৈ পঞ্জীয়ন কৰিব লাগিব এপৰ মাধ্যমেৰে।

আগন্তুক ২৪ এপ্ৰিলৰ পৰা আৰম্ভ হ'ব ৰেজিষ্ট্ৰেশ্যন। ১ মেৰ পৰা ১৮ বছৰৰ উৰ্ধ্বৰ সকলো লোকে ভেকচিন ল'ব পাৰিব। শনিবাৰে অর্থাৎ মাত্ৰ ৪৮ ঘণ্টাৰ পিছৰ পৰাই CoWIN Appৰ  মাধ্য়মেৰে ৰেজিষ্ট্ৰেশ্যন কৰিব পাৰিব।  এই কথা জনালে নেচনেল হেলথ অথৰিটিৰ চিফ একজিকিউটিভ অফিচাৰ আৰ এচ শৰ্মাই। এইবাৰ কোৰোণাৰ Covaxin, Covishield, Russian vaccine Sputnik V ভেকচিন প্ৰদান কৰা হ'ব।

এইবাৰৰ পৰা ভেকচিনৰ বাবে ৰাজ্যসমূহে কেন্দ্ৰীয় চৰকাৰৰ ওপৰত নিৰ্ভৰ কৰিবলগীয়া নহ'ব। ৰাজ্য চৰকাৰে সকলো প্ৰস্তুতকাৰী সংস্থাৰ পৰা ভেকচিন ক্ৰয় কৰিব পাৰিব।

*চৰকাৰে ভেকচিন ৪০০ টকাত ক্ৰয় কৰিব লাগিব। বেচৰকাৰী হাস্পতালত খৰচ হ'ব ৬০০ টকা।

কিদৰে ৰেজিষ্ট্ৰেশ্যন কৰিব লাগিব? আপোনাৰ মোবাইলত CoWIN এপটো এপেন কৰক। অথবা ৱেব চাইট  cowin.gov.in লিংকত ক্লীক কৰক। ৰেজিষ্টাৰ অথবা চাইন ইন-ত ক্লীক কৰক।

ইয়াৰ পিছতে আপোনাৰ ১০ ডিজিটৰ মোবাইল নম্বৰ অথবা আধাৰ নম্বৰৰ সহায়ত ৰেজিষ্টাৰ কৰক। আপোনাৰ ফোনলৈ এটা অটিপি যাব। নিৰ্ধাৰিত স্থানত অটিপি অন্তৰ্ভুক্ত কৰক।

ৰেজিষ্টাৰ হোৱাৰ পিছত আপুনি ভেকচিন কেতিয়া ল'বলৈ যাব পাৰিব, সেয়া নিৰ্ণয় কৰিব পাৰিব। 

নিৰ্ধাৰিত দিনত ভেকচিন দিয়াৰ পিছত আপুনি এটা ৰেফাৰেনেস আই ডি লাভ কৰিব। যাৰ সহায়ত ঘৰত বহিয়েই লাভ কৰিব চাৰ্টিফিকেট।