VVIP Tree : এজোপা VVIP গছ, ২৪ ঘণ্টাই যাক দিয়া হয় সুৰক্ষা, বছৰি যাৰ নামত খৰচ হয় ১৫ লাখ টকা...
মধ্য প্ৰদেশৰ (Madhya Pradesh) ৰাইচেন (Raisen)ৰ ছলামতপুৰত গছ এজোপা সুৰক্ষা দিবলৈ দিনে ২৪ ঘণ্টা আৰক্ষী মোতায়েন কৰা হয়। আনকি ইয়াৰ এটা পাত সৰলেও প্ৰশাসন কঁপি উঠে। গছজোপা ইমান গুৰুত্বপূৰ্ণ যে প্ৰতি ১৫ দিনত ইয়াৰ চিকিৎসা পৰীক্ষা কৰা হয়। গছজোপাৰ তত্বাৱধানৰ বাবে প্ৰতি বছৰে প্ৰায় ১৫ লাখ টকা ব্যয় হয়। বোধি বৃক্ষজোপা শ্ৰীলংকাৰ প্ৰাক্তন ৰাষ্ট্ৰপতি মহিন্দ্ৰা ৰাজাপাক্ষেই ২০১২ চনৰ ২১ ছেপ্টেম্বৰত ৰোপণ কৰিছিল। (দেৱৰাজ দুবে)
এইজোপা আচলতে বোধি বৃক্ষ। শ্ৰীলংকাৰ তদানীন্তন ৰাষ্ট্ৰপতি মহিন্দা ৰাজাপাক্ষেই ২০২১ চনৰ ২১ ছেপ্টেম্বৰত গছজোপা ৰোপণ কৰিছিল। গঠজোপাক সুৰক্ষা দিয়াৰ প্ৰধান কাৰণ হৈছে বৌদ্ধ ধৰ্মত ইয়াৰ বিশেষ গুৰুত্ব আছে। কোৱা হয় যে ভগৱান বুদ্ধই এই বোধি বৃক্ষৰ তলতেই জ্ঞান লাভ কৰিছিল। কেৱল সেয়াই নহয়, সম্ৰাট অশোকেও শান্তিৰ সন্ধানত একেজোপা গছৰ তললৈ গৈছিল।
এই গছজোপা ১৫ ফুট ওখ লোহাৰ জালেৰে আগুৰি আছে। দুজন নিৰাপত্তাৰক্ষীয়ে ইয়াক দিনে ২৪ ঘণ্টা সুৰক্ষা দিয়ে যাতে কোনেও গছজোপাৰ ক্ষতি কৰিব নোৱাৰে। সাঞ্চী পৌৰসভা, আৰক্ষী, ৰাজহ আৰু উদ্যান শস্য বিভাগে নিৰন্তৰ গছজোপা নিৰীক্ষণ কৰি থাকে। যদি এই গছৰ পাত এটাও সৰিলেও, কৰ্তৃপক্ষ লৰা-ঢপৰাকৈ উপস্থিত হয়। ইয়াক প্ৰতি ১৫ দিনত পৰীক্ষা কৰা হয় আৰু সাৰ আৰু পানী প্ৰদান কৰা হয়।
উল্লেখ্য যে, সাঁচী ৰাইচেন জিলাৰ এখন পৰ্যটনস্থলী। বহু বছৰ আগতে ইয়াত এখন বৌদ্ধ বিশ্ববিদ্যালয় স্থাপন কৰা হৈছিল। এই বোধি গছ একেখন বিশ্ববিদ্যালয়ৰ পাহাৰত ৰোপণ কৰা হৈছে। মুখ্যমন্ত্ৰী শিৱৰাজ সিং চৌহান সেই সময়ত শ্ৰীলংকাৰ তদানীন্তন ৰাষ্ট্ৰপতি মহিন্দা ৰাজপাক্ষেৰ সৈতে উপস্থিত আছিল। এতিয়ালৈকে চৰকাৰে এই গছৰ সুৰক্ষাৰ বাবে লাখ লাখ টকা খৰচ কৰিছে।
